HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 6 177 Cafer Tayyar Bey'in Tahliyesi Esîr-i harb sıfatıyla Yunanistan'da bulunan Mîralây Cafer Tayyar Bey'in Yunan Hükûmeti ta- rafından hapsedildiğini ve müşârunileyhin tahliyesi için Hilâl-i Ahmerce Beynelmilel Salîb-i Ahmer nezdinde bazı teşebbüsâtda bulunulduğunu yazmış idik. Bu defa Beynelmilel Salîb-i Ahmer Cemʻiyeti, Cafer Tayyar Bey'in tahliye edildiğine dâir Yu- nan Salîb-i Ahmeri tarafından kendisine gönderilen bir mektûbun sûretini Hilâl-i Ahmer'e teblîğ etdi. Bu mektûbdan âtîdeki fıkraları iktibâs ediyoruz: "-Mîralây Cafer Tayyar Bey'in mahbesden çıkdığını ve Pelopones'de kâin Tripolis şehrine nak- ledildiğini ve zâbıta nezâreti altında olmak üzere istediği otelde kemâl-i serbestî ile yaşamakda ve hakkında takrîr-i adâlet edecek tahkîkâta dahi kemâl-i ciddiyetle devâm edilmekde olduğunu arz etmekle kesb-i şeref eyleriz". _______________ Amerika Salîb-i Ahmer Cemʻiyeti'nin İcmâl-i Şehrîsi Amiral Marc L. Bristol cenâblarının taht-ı riyâsetinde İstanbul'da icrâ-yı faʻâliyet eden → [130] 1921 senesi Beynelmilel Salîb-i Ahmer Sergisi'nde Osmanlı Hilâl-i Ahmer Cemʻiyeti Dâiresi Pavillon du Croissant-Rouge Ottoman à lʼExposition de la Croix-Rouge Internationale de Génève de 1921 Amerika Salîb-i Ahmer Cemʻiyeti her ay faʻâliyetinden bâhis bir icmâl neşretmekdedir. Hilâl-i Ahmer'e vârid olan Kânûn-ı Evvel icmâli, çocukların refâhını teʼmîn etmek ve hastabakıcı yetişdir- mek için iki komite, aʻzâları çocuklardan mürekkeb olan bir Salîb-i Ahmer Cemʻiyeti teşekkül etdiği havâdisiyle bir takım ahbâr ve mevâdd-ı sâireyi ihtivâ ediyor. _______________