HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 6 178 Kitâbiyât Osmanlı Hilâl-i Ahmer Cemʻiyeti'nin 1327 [1911] senesinde ihyâen teşekkülünden beri "Hilâl-i Ahmer edebiyâtı 3 " epeyce artdı. Bu husûsda en ziyâde sarf-ı mesâʻî eden Hilâl-i Ahmer Fahrî Reî- si Müderris Doktor Besim Ömer Paşa hazretleridir. Müşârunileyh, son Beynelmilel Salîb-i Ahmer Konferansı'nda Hilâl-i Ahmer Reîs-i Sânîsi Müderris Doktor Âkil Muhtar Beyefendi, Servet-i Fünûn Mecmûʻası Sâhibi Ahmed İhsan Bey ve Cenevre Osmanlı Başşehbenderi Ziya Bey ile birlikde hükû- meti ve Hilâl-i Ahmer'i temsîl eylemişlerdi. Konferansdan avdetlerini müteʻâkib, Besim Ömer Paşa 1921 Senesinde Cenevre'de İnʻikâd Eden Beynelmilel Salîb-i Ahmer Konferansı'na Dâir Rapor un- vânlı 108 sahîfelik koca bir eser neşretdi. [131] Rapor, inʻikâd eden Beynelmilel Salîb-i Ahmer Konferansı'nda mevkiʻ-i müzâkereye konulan başlıca mesâilden, millî Salîb ve Hilâl-i Ahmer Cemʻiyetlerinin faʻâliyetlerinden, Salîb-i Ahmerler Heyʼet-i İttihâdiyesi'nden, Salîb ve Hilâl-i Ahmer Cemʻiyetlerinin vezâif ve hidemâtına ve sulh hengâmında bu cemʻiyetlerin mesâil-i ictimâʻiye ile iştigâllerine âid olmak üzere konferansça ittihâz kılınan mukarrerâtdan vesâir mesâil-i mühimmeden bâhisdir. Raporun "Netîce" serlevhası faslında doğrudan doğruya veya bi'l-vâsıta Hilâl-i Ahmer'e taʻal- luk eden mukarrerât hulâsası kayıd ve tesbît edilmişdir. Adedi yirmiye bâliğ olan bu karârlar, Hilâl-i Ahmer faʻâliyetinin küçük bir zübdesini teşkîl eder. Rapor, ikisi Hilâl-i Ahmer'in Cenevre sergisine âid olmak üzere yedi güzel resim ile tezyîn edilmişdir. *** Osmanlı Hilâl-i Ahmer Cemʻiyeti'ninAnkara Heyʼet-i Murahhasası, Türkiye Büyük Millet Mec- lisi'nin Teşekkülünden Sakarya Zaferi'ne Kadar İcrâât Raporu nâmıyla 94 sahîfelik mükemmel bir rapor neşretmişdir. Bu eser, vâridât ve iʻânât, sıhhiye-i askeriyeye muʻâvenet, harb ve istîlâ mesâibzedelerine muʻâ- venet, üserâ şuʻbesinin faʻâliyeti, şühedâ ve zâbitân ve efrâd ve muhâcir âilelerine yapılan muʻâvenet bahislerini ve Yunan fecâyiʻi hakkında pek mühim raporları ihtivâ etdiği gibi ayrıca mufassal teber- ruʻât cedvelleri ile Hilâl-i Ahmer'in mufassal tevzîʻât cedvellerini dahi kayıd eylemekdedir. Teberruʻât cedveli meyânında şu büyük rakamları görüyoruz: Hind Hilâfet Komitesi yirmi bin İngiliz lirası ve beş bin battâniye, Trablusgarb ve Bingazi Hilâl-i Ahmer Cemʻiyeti iki yüz dört bin İtalyan frangı, Mısır Hilâl-i Ahmer Cemʻiyeti otuz yedi bin iki yüz elli lira 4 * , Rodos Adası Cemâʻat-i İslâmiyesi dört bin yüz yirmi yedi lira ilh… Rapor, yirmiye karîb resimler ile tezyîn edilmişdir. Bu resimler meyânında en ziyâde insânı mü- teessir edenler, Yunan tahrîbâtına uğramış olan müteʻaddid yerlerin manzaraları ve Yunan mezâlim ve fecâyiʻine kurbân olmuş olanların grup veya ferd hâlindeki resimleridir. _______________ 3 "Hilâl-i Ahmer edebiyâtı" taʻbîri maʻzûr görülsün. Bizde "edebiyât" taʻbîri mahdûd bir "mefhûm" olup hâlbuki ilmî mefhûmu herhangi bir mevzûʻ hakkında yazılan müteʻaddid âsârı ifâde eder. Meselâ târîh hakkında yazılan müteʻad- did âsârın cümlesine "târîh edebiyâtı" denir. Felsefe edebiyâtı, iktisâdiyât edebiyâtı, masal edebiyâtı dendiği gibi. Hilâl-i Ahmer edebiyâtı dahi denir. ( Hilâl-i Ahmer Mecmûʻası ) 4 Bu otuz yedi bin iki yüz elli lira, beş bin İngiliz lirasının mukâbilidir. Ondan sonra, Mısır'dan Ankara Hilâl-i Ahmer Murahhaslı[ğı]'na on bin yüz kırk İngiliz lirası daha gönderildi. ( Hilâl-i Ahmer Mecmûʻası )