HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 7 210 "-Dersaadet (Perapalas), 24 Şubat 1922 Osmanlı Hilâl-i Ahmer Cemʻiyeti Merkez-i Umûmîsi Cânib-i Âlîsi'ne, Efendiler, Gerek buradaki müddet-i müsâfeterim esnâsında gerek → Anadolu'da Yunan üserâ-yı harbiyesinin teftîşi sırasında hakkında lütfen bî-dirîğ buyurduğunuz teshîlât ve muʻâvenâtın teşekkürât-ı mahsûsa ve samîmânesini İstanbul'u terk etmezden evvel size arz u takdîm eylemek ehazz-ı âmâl-i kalbiyemdendir. Aramızla bu vesîle ile vücûd bulan münâsebât-ı ber-güzîdenin en latîf hâtırâtıyla bizzât vâyedârım ve Beynelmilel Salîb-i Ahmer Komitesi'nin murahhası sıfatıyla gördüğüm hüsn-i kabûlün sâli- fü'l-arz komite ile Hilâl-i Ahmer arasında daha velûd ve teşrîk-i mesâʻî husûsunda daha samîmî bir devre-i münâsebât küşâd et- mesini pek ziyâde temennî ederim. Mesâib-i harbiyenin teʼsîrât-ı elîmesi altında inleyen bed- baht 1* ahâlîniz için ibzâl edilecek hidemât-ı mebrûke-i muʻâve- netkârâne, münâsebâtımızın inkişâf ve takviyesine bir vesîle-i cedîde teşkîl edecekdir. İhtirâmât-ı fâikama âid teʼmînâtın lütfen kabûlünü ricâ ede- rim, efendim. Beynelmilel Salîb-i Ahmer Cemʻiyeti Dersaadet Delegesi Doktor Roehrich" Hilâl-i Ahmer Cemʻiyeti, muhterem Doktor Roehrich'in bu kadar samîmî bir lisân ile tecellî eden hissiyât-ı dostânesine karşı alenen takdîm-i teşekkürât eder iken, Beynelmilel Salîb-i Ahmer Cemʻiyeti'ne dahi Hilâl-i Ahmer'e ibzâl etdiği ve etmekde oldu- ğu muʻâvenât ve hidemât-ı ber-güzîdeyi tahattur ederek kemâl-i samîmiyetle arz-ı minnet etmeği vecîbeden addeder. *** Doktor Roehrich'in Kayseri Üserâ Garnizonu'na vukûʻ bulan teftîşâtına dâir Ankara'da çıkan Hâkimiyet-i Milliye gazetesine verdiği bazı maʻlûmâtı Anadolu Ajansı'na atfen geçen nüshamızda derc etmiş idik. Doktor Roehrich, bütün o maʻlûmâtı bir mülâkât şeklinde değil, ancak husûsî bir mükâleme esnâsında vermiş olduğunu tashîhen neşreylememizi ricâ etdi. _______________ Ahâlî kelimesinden maksad, muhâcirlerdir. Bu kelime bu nüshamızın kısm-ı mahsûsunda yazdığımız "Beynelmilel Salîb-i Ahmer Cemʻiyeti ve İslâm Muhâcirleri" serlevhalı kısmın muhteviyâtıyla alâkadârdır. (Hilâl-i Ahmer Mec- mûʻası) [153] Hilâl-i Ahmer'e hidemât-ı meşkûresine devâmdan fâriğ ol- mayan Beynelmilel Salîb-i Ahmer Cemʻiyeti ve Cemʻiyet-i Akvâm Dersaadet Murahhası Yüzbaşı Mösyö Georges Burnier Capitaine Georges Burnier Délégué du Comité International de la Croissant-Rouge et de la Société des Nations. Le Crois- sant-Rouge est heureux de lui présenter publiquement ses remer- ciement pour les services qu'il ne cesse de lui rendre *