HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 7 211 Doktor Schatzmann Türkiye Büyük Millet Meclisi'nin talebi üzerine Beynelmilel Salîb-i Ahmer Heyʼetince Yuna- nistan'daki [154] Türk üserâsının ahvâlini tedkîke meʼmûr edilen ve bir müddetden beri Yunanistan'da bulunan Beynelmilel Salîb-i Ahmer Murahhası Doktor Schatzmann, İzmir'e azîmet ederek oradaki kısm-ı aʻzamını gayr-ı müsellah köylüler teşkîl eden sivil üserânın ahvâlini dahi tedkîk etmişdir. _______________ Arjantin Hilâl-i Ahmer Komitesi Dördüncü nüshamızda Amerika-yı Cenûbî'de kâin Arjantin Cumhûriyeti'nin pâyitahtı olan Bu- enos Aires'de bir Hilâl-i Ahmer komitesi teessüs etdiğini yazmış idik. Bu defa Hilâl-i Ahmer'e vârid olan bir mektûbda mezkûr komite aʻzâsı meyânında bazı tebeddülât vukûʻ bulduğu yazılmakdadır. Yeni komite heyʼeti ber-vech-i zîr zevâtdan mürekkebdir: Seyfeddin Rahhâl Bey reîs, Necib Nâsır Bey reîs-i sânî, Sadık Haşim Bey kâtib-i umûmî, Ha- san Darcal Bey kâtib, Said Yusuf Murad Bey veznedâr, Halid Eirut Bey veznedâr muʻâvini, Mahmud Mudeh, Hâmid İsa Murad, Mustafa Baz, Muhammed Ahmed, Osman Mansur, Ahmed Hadid, Salih Cuma, Abdüsselâm Ebu Gauch, Abbas Necibeddin, Ali Aziz, Mustafa İsmail, Mahmud Mustafa Bey- ler aʻzâ. Bu komitenin Hilâl-i Ahmer'e gönderdiği mektûb bir tarafında "Buenos Aires Hilâl-i Ahmer Komitesi", diğer tarafında "Hilâl-i Ahmer Anadolu Cemʻiyeti Fırkası" mühürlerini hâvîdir. Müştere- ken çalışdıkları anlaşılan bu iki komitenin bu defa Hilâl-i Ahmer maʻrifetiyle Ankara'ya 422 İngiliz lirası on üç şilin gönderdikleri aynı mektûbun meâlinden müstebân olmakdadır. Hilâl-i Ahmer, bu komite aʻzâlarıyla müteberriʻîn-i kirâma alenen takdîm-i teşekkürât eder ve ileride de imdâd ve teveccühlerinin idâme ve bekâsını diler. _______________ İslâm Muhâcirleri Menfaʻatine Balo Geçen Şubat'ın 27'nci Salı gecesi Mekteb-i Harbiye Karârgâhı'nda General Harrington cenâbla- rının zevce-i muhteremeleri Lady Harrington tarafından İslâm muhâcirleri menfaʻatine verilen balo, mükemmel olmuş ve büyük muvaffakiyet kazanmışdır. Cerâid-i yevmiye okunduğuna göre hâricden gelen para da dâhil olduğu hâlde toplanılan iʻâne yekûnu 22.750 Osmanlı lirasına bâliğ olmuş ve meblağ-ı mezkûr Muhâcirîn-i İslâmiye'ye İmdâd İngiliz Komitesi Reîsi Sir Adam Block cenâblarına teslîm edilmişdir. _______________ Muhâcirîn-i İslâmiye'ye İmdâd İngiliz Komitesi ve Davudpaşa Muhâcirîn-i İslâmiyesi Şimdiye kadar muhâcirîn-i İslâmiye'ye İmdâd İngiliz Komitesi bin beş yüz muhâcirin iʻâşesini