HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 7 214 Mütâreke akdi üzerine bu eşyâ bir müddet Peşte'de kaldıkdan sonra İstanbul'a gönderilmek üzere yola çıkarılmış ise de eşyâ-yı mezkûreyi ihtivâ eden sandık yolda nasıl ise yok olmuş idi. Hilâl-i Ahmer, icrâ eylediği teşebbüsât-ı mükerrere netîcesinde tamâmıyla gâib olduğu zannolunan bu eşyâ- yı buldurmağa ve İstanbul'a getirtmeğe muvaffak oldu. _______________ Çocuklara Refâh Teʼmîni Komitesi İstanbul'da neşredilmekde olan Amerika Salîb-i Ahmeri'nin İcmâl-i Şehrîsi Kânûn-ı Sânî nüs- hasında şu fıkrayı derc ediyor: "-Çocuklara Refâh Teʼmîni Komitesi'nin aʻzâsı, [157] Hurşid Bey'in haremi hanımefendinin hânesinde akd-i ictimâʻ etmişdir. Komite reîsi Madam Miler Coblen, komitenin maksadını huzzâra anlatmışdır. Hurşid Bey haremi hanımefendi hânesinde bulunan bir Türk doktoru ile müteʻaddid Türk hastabakıcı hanımların bu uğurda şimdiye kadar ne gibi hizmetler îfâ etdiklerini beyân ederek Madam Coblen'in sözlerine büyük bir alâka göstermişlerdir". _______________ Esîr Meʼmûrîn-i Sıhhiyenin Mübâdelesi Geçen nüshamızda Osmanlı Hilâl-i Ahmer ve Yunan Salîb-i Ahmer Cemʻiyetleri arasında ta- karrür eden bir iʼtilâf mûcebince Yunanistan'da bulunan 73 ve Anadolu'da bulunan 3 sıhhî meʼmûrun serbest bırakılacağı yazılmış idi. Yunanistan'dan mecmûʻamızı matbaʻaya verdiğimiz zamâna kadar buna dâir bir haber gelmemişdir. Hilâl-i Ahmer teşebbüsâtını tekrâr etdi. _______________ Hilâl-i Ahmer'e Teberruʻât İstanbul'da Şehzadebaşı'nda Rekâbet Tuhâfiye Mağazası Sâhibi İmâmzâde Abdullah Bey ta- rafından muhtelif boyda elli bir aded fanila, İstanbul'da Mebdeʼ-i Servet Osmanlı Anonim Şirketi Müdürü Zülkifl Bey tarafından 100 kutu şânlı Ankara sigara kâğıdı teberruʻ edilmişdir. Hilâl-i Ahmer bu iki muhterem müteberriʻe alenen arz-ı teşekkür eder. _______________ Hilâl-i Ahmer'e Hâricden Gelen Muʻâvenetler Amerika'da Worcester'da mukîm Mamuretülaziz vilâyetine tâbiʻ Gineyeli Ahmed oğlu İshak Bey tarafından 31 İngiliz lirası, Amerika'da Worcester Uhuvvet-i İslâmiye Cemʻiyeti tarafından H. Zülfü Bey vâsıtasıyla 352 dolar, Bulgaristan'da Varna ahâlî-i İslâmiyesi'nden 40.495 leva ile 23. 1/4 Osmanlı lirası, Eskicuma ahâlî-i İslâmiyesi'nden 30.000 leva, Tunus'da çıkan el-Vezîr gazetesi maʻri- fetiyle Mağrib-i Aksâ'nın Rabatulfeth şehrinde mukîm İdris Bey tarafından 400 frank, Filibe ahâlî-i İslâmiyesi'nden 405 Osmanlı lirası, Tunus'da intişâr eden el-Vezîr Gazetesi Sâhibi et-Tayyib bin İsa Bey maʻrifetiyle müteʻaddid müteberriʻler tarafından 150 frank vürûd etmişdir. Hilâl-i Ahmer bütün bu müteberriʻîn ve mütevassıtîn-i kirâma alenen takdîm-i teşekkür eder.