HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 7 215 Hilâl-i Ahmer Merkez-i Umûmîsi Mukarrerâtı Hilâl-i Ahmer Merkez-i Umûmîsi'nin Kânûn-ı Sânî 1338 [Ocak 1922] ictimâʻında ittihâz edil- miş olan mukarrerâtın başlıcaları: 1-Hastabakıcılık mesʼelesinin Reîs-i Sânî Müderris Doktor Âkil Muhtar Bey'in de iştirâkiyle bir daha tedkîki ve Hilâl-i Ahmer hastabakıcılarına bir yurd ihzârı keyfiyetinin fen komisyonuna havâlesi ve gelecek ictimâʻa kadar bu mesʼelenin intâcı [158] 2-1338 senesi alelâde ve fevkalâde büdcesi ile mevâdd-ı nizâmiyesinin kabûlü ve kong- renin hitâmına kadar bu büdceye tevfîkan tedvîr-i umûr edilmesi 3-Dispanserlerin masârıfına medâr olmak üzere 5.000 liralık tahsîsâtın kabûlü 4- Taltîfât Nizâmnâmesi 'ndeki bazı mevâddın lüzûm ve taʻdîli. _______________ TALTÎFÂT Hilâl-i Ahmer'e vukûʻ bulan hidemâtına mebnî Şehremâneti Kontrol Müdürü Nuri, Levâzım Müdürü İsmail Hakkı, Vezne Mümeyyizi Kemal ve Muʻtemed Hâfız Tevfik Beylere birer kıtʻa alâ- met-i mahsûsasız gümüş Hilâl-i Ahmer madalyası iʻtâ kılınmışdır. Tebrîk ederiz. *** Hilâl-i Ahmer Cemʻiyeti Üserâ Komisyonu Meʼmûrîn-i sâbıkadan Edmond Holias Efendi'ye alâmet-i mahsûsalı bir kıtʻa tunç Hilâl-i Ah- mer madalyası iʻtâ kılınmışdır. Hilâl-i Ahmer'e hidemât-ı meşkûresi sebk eden Edmond Efendi'yi tebrîk ederiz. _______________ RUS ESÂRETİ HÂTIRALARI Heyʼet-i Hayriye'nin Faʻâliyetleri (Altıncı numaradan mâbaʻd) Cemʻiyetin pek fâideli ve nâfiʻ olan hidemâtı Brest-Litowsk Muʻâhedesi'nin akdi üzerine teʼsîr-i hâricî ile inkıtâʻa uğramışdır. Harb seneleri tevâlî edip gitdikçe üserânın mikdârı yüz binler ile sayılmağa başladı. İfriyet-i harbin memleket menâbiʻini süpürüp yutduğu ve tekmîl vesâit-i memleketin bi'n-nefs cebhelerdeki ordulara tahsîs ve sarf edildiği devirlerde gerilerdeki esîrlere dikkat pek azalıyor. Esnâ-yı harbde mecrûhan veya hasta olarak esîr düşüp de dâhil oldukları ordugâhlarda devre-i nekâheti geçirenlere yeniden yeni bir sefâlet-i hayâtiye teʼsîriyle tedennî-i kuvvete ve zaʻfiyet-i bede- niyeye ve inkisâr-ı rûhiye ve envâʻ hastalıklara düşenler dahi zammolunur, ordugâhlar birer mahşer-i zuʻafâ hâlini alır. Bu hâl-i elemnâk, bittabʻ Heyʼet-i Hayriye'nin enzârından kaçmadığı gibi peyderpey muhâberât tarîkıyla asıl memleketlere de akseder.