HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 8 237 Geçen nüshamızda derc etdiğimiz Muhâcirîn-i İslâmiye'ye İmdâd İngiliz Komitesi'nin beyân- nâmesinde korkunç rakamlara tesâdüf ediyoruz. Yalnız Yunan [170] mezâliminin ve tahrîbâtının kur- bânı olarak yerinden, yurdundan uzaklaşmış olanların adedi dört yüz bin ve Cihân Harbi esnâsında hicret edenlerin adedi sekiz yüz yetmiş bine bâliğ oluyor. Muhâcir denilince, emlâkini ve emvâlini terk ile perîşân bir hâlde başka yerlere göçen ihtiyâr, kadın, çocuk, dul, yetîm silsilesi anlaşılır. Sulh zamânında hâl ü vakitleri yerinde olan bu bir milyonu mütecâviz halk bugün aç ve çıplakdır, bedbaht ve yalınayakdır. Hilâl-i Ahmer bunlar için elinden ne gelirse yapıyor, millet de gönlünden kopanı veriyor. Fakat felâketin dâiresi çok büyükdür. Binâena- leyh bu husûsda ibrâz edilecek fedakârlık da felâketin büyüklüğü ile mütenâsib olmalıdır. Şu sûretle bu muzlim levhanın kabaca bir taslağını çizdikden sonra Hilâl-i Ahmer'in de Câmiʻ ve Bayram Günlerini ihdâs etmeği düşündüğünü söyleyelim. Maʻlûmdur ki, İstanbul'da Ramazân Bayramı'nın ilk günü, Hilâl-i Ahmer'in çiçek günüdür. Bu âdet bâkî kalmakla berâber Ramazân ve Kurbân Bayramlarının ilk günleri Câmiʻ Günleri ittihâz ediliyor. Bu iki mübârek günde bayram namâ- zına giden her müslümân, câmiʻ-i şerîfe konacak bir kutu veya tepsiye gönlünden ne kopar ise atar. Bu âdet, Türkiye'nin en küçük köylerindeki câmiʻlere kadar teşmîl edilebilir. Bu sûretle Ramazân ve Kurbân Bayramlarının ilk günlerinde, bayram namâzının edâsından sonra bütün millet, Hilâl-i Ah- mer'i yani yaralı askerleri, eytâmı, erâmil ve fukarâyı, muhâcirleri düşünmek fırsatını elde etmiş olur. Bütün memâlik-i İslâmiye'deki câmiʻlerden de aynı himmet ve mürüvvetin ibzâline intizâr olunur. Hâl-i hâzırda Avrupa ve Amerika'nın muhtelif şehirlerinde ikâmet etmekde olan Türk ve İslâm cemâʻatlerinin alelâde câmiʻleri yok ise de, bunların da birbirleriyle tanışmak vesîlesini bahşeden bayram toplanma yerleri, Câmiʻ Günleri makâmına kâim olabilir. Bu cemâʻatler, şimdiye kadar gön- derdikleri iʻâneler ile Hilâl-i Ahmer'e karşı gösteregeldikleri teveccühden dolayı zâten evvelden beri milletin minnetdârlığını kazanmışlardır. Câmiʻ ve Bayram Günlerinin hâsılâtı, ber-muʻtâd mecmûʻamızda neşredilecekdir. Bir Ricâ: Muhtelif lisânlarda neşrolunan cerâid-i İslâmiye'nin bu küçük beyânnâmeyi neşreyle- melerini hakkımızdaki lütuf ve teveccühlerinden temennî ve ricâ ederiz. Hilâl-i Ahmer Mecmûʻası Tashîh.- Mecmûʻamızın yedinci numarasının 147'nci sahîfesinde derc edilmiş olan Hilâl-i Ahmer'in vâ- ridât ve masârıfât-ı umûmiyesi cedveli, 1338 senesine âid olduğu sehven gösterilmiş ise de cedvel-i mezkûrun 1337 senesine âid olduğu maʻa'l-iʻtizâr tashîh olunur. [Düzeltilmiştir.] [171] İngiliz Salîb-i Ahmer Murahhası Hilâl-i Ahmer'in Teşkîlâtını Takdîr Ediyor. Harb-i Umûmî esnâsında memleketimizde bulunan üserâya îsâl edilmek üzere muhtelif menâbiʻden gelen mebâliğ, üserânın bulundukları garnizonlara kadar Hilâl-i Ahmer vesâitiyle îsâl edilmekde idi.