HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 8 244 Avdet Bir müddetden beri Paris'de bulunan Hilâl-i Ahmer Reîs-i Sânîsi Hâmid Beyefendi ile Merkez-i Umûmî Tahrîrât Kâtibi Safvet Şav Bey, Paquet Kumpanyası'nın Suebra vapuruyla avdet etmişlerdir. _______________ Yunanîler Yedi Müslümânı İʻdâma ve On Müslümânı Hidemât-ı Şâkkaya Mahkûm Eylediler. Hilâl-i Ahmer vâsıtasıyla Yunan mezâliminden kurtarılarak İstanbul'a getirilen Armudlu nâhi- yesi ahâlîsinden on yedi müslümân Armudlu ve civârında bırakdıkları yetişmiş mahsûllerini İstan- bul'a getirmek üzere İstanbul Beynelmüttefikîn Liman İdâresi'nin vesâik-ı resmiyesini hâmilen geçen Eylül'de mezkûr nâhiyeye azîmet eylemişler idi. Avdetleri esnâsında kayıkları bir Yunan torpidosu tarafından tevkîf, kayıkları ile ağır eşyâları zabt ve müsâdere edilmiş ve bu zavallı on yedi vatandâşı- mız Bursa'ya gönderilmişlerdir. Bursa Yunan İdâre-i Askeriyesi'nin bu bîçârelerden yedisini iʻdâm ve onunu hidemât-ı şâkkaya mahkûm etdiğini bu bâbda Hilâl-i Ahmer'e vukûʻ bulan mürâcaʻatlardan anlıyoruz. Hilâl-i Ahmer, keyfiyeti derhâl Beynelmilel Salîb-i Ahmer Murahhaslığı'na bildirerek Yunan İdâre-i Askeriyesi nez- dinde teşebbüsât-ı serîʻada bulunmasını ricâ etdi. İʻdâma mahkûm edilen bu yedi müslümânın isimleri: 1 Sarı Bekir'in Mustafa oğlu Rifat 2 Kara Bekir'in Abdi oğlu Bekir 3 Kâmil oğlu Kadir Hayriye karyesinden 4 Hasan oğlu Yusuf " 5 Monlâ Hasan oğlu Ahmed " 6 [178] Yusuf oğlu Yusuf Selimiye karyesinden 7 Osman oğlu Ali Çavuş Kapaklı karyesinden Hidemât-ı şâkkaya mahkûm olan on müslümânın isimleri: 1 Bayrakdar Ali oğlu Osman Selimiye karyesinden 2 İbrahim oğlu Osman " 3 Zeki oğlu İsmail " 4 Ömer oğlu Hâfız Osman " 5 Tevfik oğlu Mümtaz " 6 İsmail oğlu İsmail " 7 Salih oğlu Yusuf Hayriye karyesinden 8 Yunus oğlu Beşir " 9 Şerif oğlu Yusuf " 10 Hamza oğlu Eşref "