HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 8 245 Hilâl-i Ahmer ile Beynelmilel Salîb-i Ahmer Arasında İttihâz Olunan Mukarrerât Hilâl-i Ahmer Reîs-i Sânîsi Hâmid Beyefendi Paris'de bulunduğu sırada Beynelmilel Salîb-i Ahmer Cemʻiyeti Kâtib-i Umûmîsi Mösyö Lucien Cromer ile Doktor Roehrich, Beynelmilel Salîb-i Ahmer Cemʻiyetince muhâcirîn-i İslâmiye'ye yapılması mütesavver olan muʻâvenetin hutût-ı esâsi- yesini tesbît etmek üzere Paris'e kadar gelmişlerdir. Bu bâbda karârlaşdırılan esâsât bunlardır: 1-Muhâcirîn-i İslâmiye için her yerde ve be-tahsîs memâlik-i İslâmiye'de iʻâne cemʻi için pro- paganda yapılacakdır. 2-Bu iʻâne muhâcirlere, hâneler inşâsına ve tohumluk ve hayvân tedârüküne sarf olunacakdır. 3-Gerek Hilâl-i Ahmer nâmına gerek Beynelmilel Salîb-i Ahmer Cemʻiyeti nâmına gelecek bu gibi iʻânât İstanbul'da Hilâl-i Ahmer Veznesi'nde toplanacakdır. 4-Beynelmilel Salîb-i Ahmer İstanbul Murahhası Mösyö Burnier bu iʻânâtın cihet-i sarfını teftîş edecekdir. 5-İnşâât vesâire husûsâtına nezâret etmek üzere Anadolu'da bir Salîb-i Ahmer müfettişi bulu- nacakdır. _______________ Afganistan, Hilâl-i Ahmer Neşriyâtının Birer Nüshasını İstiyor. Ahîren tamâmıyla müstakil bir hükûmet olarak tanınmış olan Afganistan, terakkîye doğru adımlar atmağa başladı. Bu cümleden olmak üzere bu kere Afganistan Hükûmeti, Beynelmilel Salîb-i Ahmer Cemʻiyeti'ne dâhil olmağı arzu etdiğinden bu ümniyesini kuvveden fiʻle çıkarmak gâyesiyle İsviçre'ye Muhammed Veli Hân hazretlerini iʻzâm etmişdir. Cenevre başşehbenderimiz Cemil Sel- man Bey, müşârunileyhi Beynelmilel Salîb-i Ahmer Komitesi aʻzâsına takdîm etmiş ve Afganistan murahhası Cenevre Mukâvelenâmesi'ni imzâ eylemek sûretiyle memleketini Beynelmilel Salîb ve Hilâl-i Ahmerler âilesine idhâl eylemişdir. Muhammed Veli Hân hazretleri, Afgan Hilâl-i Ahmeri'nin teşkîlâtını Osmanlı Hilâl-i Ahmer Cemʻiyeti'nin teşkîlâtı esâsları üzerine yapmak arzusunu ızhâr etdiğinden cemʻiyetimizin teşkîlâta taʻalluk eden nizâmât-ı neşriyâtını elde etmek istemişdir. Hilâl-i Ahmer bu mübeccel arzuyu maʻa'l-memnûniye [179] isʻâfa müsâraʻat etmekle kesb-i şe- ref eyler ve bu yeni dîndâş hemşîresini an-samîmi'l-kalb tebrîk ederek hidemât-ı âtiyesinde mazhar-ı tevfîk olmasını temennî eder. _______________ Hilâl-i Ahmer'in Kırım Müslümânlarına Muʻâveneti Şehrimizde üserâ-yı faʻâliyet eden Kırım Cemʻiyet-i Hayriyesi, Kırım şibh-i cezîresindeki müs- lümânların açlığa mahkûm olduklarını Hilâl-i Ahmer'e bildirerek Hilâl'in bu bedbahtlara da muʻâve- net eylemesini taleb etdi. Bu muhık talebe karşı bittabʻ alâkasız kalamayan Hilâl-i Ahmer, Kırım'daki aç müslümânların tehvîn-i ihtiyâclarına medâr olmak üzere Kırım Cemʻiyet-i Hayriyesi'ne iki bin Osmanlı lirası iʻtâ etdi.