HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 8 246 Bundan başka, Hilâl-i Ahmer Heyʼet-i İdâresi 29 Mart 1338 [1922] târîhli ictimâʻında bu mesʼe- le hakkında âtîdeki mukarrerâtı ittihâz eyledi: 1-Müessesât-ı mâliyenin bu maksad uğrunda verecekleri iʻâneye mukâbil Hilâl-i Ahmer Vezne- si'nden makbûz iʻtâsı ve bunun için merkez muhâsebesinde ayrıca bir hesâb açılması 2-Bu sûretle cemʻ olunacak iʻanenin teşekkülyâb olan Kırım Komitesi Heyʼeti'yle müştereken Hilâl-i Ahmer tarafından mâ-vuziʻa lehine sarf edilmesi 3-Aynı maksadla cemʻ olunacak iʻâneler için maktûʻ Hilâl-i Ahmer makbûzlarının kullanılması için de merkez-i umûmîden müsâʻade taleb edilmesi 4-Kırım'ın aç müslümânları menfaʻatine husûsî bir müsâmere tertîb edilmesi. _______________ Tunus'da Hilâl-i Ahmer İçin Para Toplanıyor. Tunus gazeteleri, Tunus'da Hilâl-i Ahmer'e verilen iʻânâtın cedvellerini neşrediyorlar. 10 Mart târîhli es-Savâb gazetesi Trablusgarb Harbi esnâsında Tunusluların Türkiye'ye etdikleri muʻâveneti tezkâr ederek Tunuslulara bugün dahi Hilâl-i Ahmer'e yardım etmelerini tavsiye etdikden sonra diyor ki: "-Türkler geçen asırlarda İslâmiyet'i himâye ve her nevʻ tehlikeden muhâfaza etmek ve âlâm-ı İslâm'ı tahfîf eylemek için hidemât-ı celîlede bulunmuşlardır. Bu hidemâtın en âdil şâhidi târîhdir". Yine aynı gazete Hilâl-i Ahmer'den bahsetdiği sırada: "-Hilâl-i Ahmer en büyük bir cemʻiyet-i İslâmiye'dir. Maksadı münhasıran insânîdir. Müverrih- lerin dedikleri gibi şuʻûr-ı İslâm ve teʻâvün-i İslâm yalnız Türkiye'ye hâs değil, belki bütün cihândaki müslümânlara âm ve şâmildir" diyor. *** Tunus'da çıkan el-Vezîr gazetesinin 6 Mart 1338 [1922] târîhli gazetesinde "Fî Sebîli'l-Hilâ- li'l-Ahmer" ve yine şehr-i mezkûrda çıkan es-Savâb gazetesinin 24 Mart târîhli gazetesinde [nüshasın- da] "İstinhâzu'l-Himem li'l-Hilâli'l-Ahmer" unvânlarıyla iki uzun ve parlak manzûme neşredilmişdir. Bu muhterem refîklerimizi an-samîmi'l-kalb tebrîk ederiz. *** 17 Mart 1922 târîhli es-Savâb gazetesi cemʻ olunan iʻânâtın mikdârı[nın] 12.441 franga bâliğ olduğunu kaydediyor. _______________ [180] Sadâ-yı İslâm Gazetesi ve Hilâl-i Ahmer Üç seneden beri Fransızca olarak Paris'de intişâr etmekde olan Echo de lʼIslam yani Sadâ-yı