HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 8 247 İslâm mecmûʻası tarafından Hilâl-i Ahmer'e serîʻan muʻâvenet edilmesini teşvîkan ve bütün âlem-i İslâm'a hitâben neşriyâtda bulunulduğunu maʻa'l-mesâr öğrendik. Muhterem refikimize teşebbüs-i vâkiʻinden dolayı arz-ı şükrân ederiz. _______________ Hilâl'den Hilâl'e Tunus'da çıkan es-Savâb gazetesi, Tunus Hilâl Tiyatro Kumpanyası'nın Osmanlı Hilâl-i Ahmer menfaʻatine "Salahaddin-i Eyyubî" nâmındaki meşhûr oyunu sahne-i temâşâya vazʻ edeceğini yazı- yor ve Tunusluları bu emr-i hayra iştirâke daʻvet ediyor. _______________ Muhâcirîn-i İslâmiye'ye İmdâd İngiliz Komitesi ve Davudpaşa Muhâcirîn-i İslâmiyesi Maʻlûm olduğu vechile, Davudpaşa'daki muhâcirîn-i İslâmiye'nin emr-i iʻâşesini Muhâcirîn-i İslâmiye'ye İmdâd İngiliz Komitesi derʻuhde etmiş idi. Bu defa komite muhâcirlerin iʻâşesine medâr olmak üzere ale'l-hesâb 4.000 Osmanlı evrâk-ı nakdiyesi ile 600 İngiliz lirasını Hilâl-i Ahmer Vezne- si'ne teslîm etdi. Hilâl-i Ahmer muhterem komiteye bîçâregân nâmına arz-ı teşekkür eder. _______________ Hilâl-i Ahmer'e Hâricden Gelen Muʻâvenetler Cenevre Başşehbenderi Cemil Selman Bey vâsıtasıyla 279,5 İsviçre frangı, Tunus'da çıkan el- Vezîr gazetesi maʻrifetiyle Osman el-Havkî Efendi tarafından 108 frank, kezâ mezkûr gazete maʻri- fetiyle Mağrib-i Aksâ'nın Rabat şehrinde mukîm Abdülkerim Bu Hilal Efendi tarafından 340 frank, aynı vâsıta ile Mağrib-i Aksâ'nın Tanca nehrinde Gümrük Terceme Kalemi'nde Muhammed eş-Şerif Efendi tarafından 100 frank, Dersaadet tüccârından el-KâtibAbbas Bey vâsıtasıyla sekiz Tunuslu mü- teberriʻ tarafından 250 frank, Bulgaristan'da Karinabad ahâlî-i İslâmiyesi tarafından 16.590 leva, Phi- ladelphia'da mukîm İslâmlar tarafından, Çanakkaleli İbrahim Mehmed Bey vedaʻatıyla ve Tevhîd-i Efkâr vâsıtasıyla 500 dolar, Amerika'da Worcester şehrinde mukîm Harputlu Hâfız Mehmed Efendi tarafından toplanılan 460 dolar, Tunus'da el-Vezîr Gazetesi Müdürü et-Tayyib bin İsa Bey maʻrifetiyle muhtelif müteberriʻ nâmına 6.523 frank vürûd etmişdir. Hilâl-i Ahmer bütün bu müteberriʻîn ve mütevassıtîn-i kirâma alenen teşekkür eder. _______________ Hilâl-i Ahmer'e Teberruʻât İstanbul'da Katırcıoğlu ve Eminbey Hânları odabaşısı Haçik Efendi tarafından Hilâl-i Ahmer'e yirmi top zefîr ihdâ edilmişdir. Hilâl-i Ahmer, emsâli için numûne-i ibret teşkîl etmek lâzım gelen merhametli Haçik Efendi'ye alenen teşekkür eder. Müdür-i Mesʼûl: Ali Macid