HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 9 272 Yunanistan Cenevre'de ve Lahey'de Münʻakid Beynelmilel Konferanslar Mukarrerâtına Nasıl Riʻâyet Ediyor? Yunanistan Hükûmeti 1864 târîhinde Cenevre'de, 1899 târî- hinde Lahey'de ve [1]904'de yine Lahey'de akdedilmiş olan kon- feranslar mukarrerâtını kabûl ve bu bâbdaki muʻâhedâta vazʻ-ı imzâ etmişdir. Hissiyât-ı âliye ve medeniye sevkiyle kabûl olunan bu kabîl mukâvelenâmelere vazʻ-ı imzâ etmek çok güzel olmakla berâber, bu mukâvelenâmelerin nâmûskârâne ve sâdıkâne tatbîki elbette daha çok güzeldir. Kemâl-i teessüfle isbât edeceğiz ki, Yu- nan Hükûmeti vazʻ-ı imzâ etdiği bu mukarrerâta riʻâyet etmekden çok uzak kalmışdır. İşte bunu isbât eden vekâyiʻ: Hilâl-i Ahmer, Anadolu'daki Yunan üserâsının esâmî cedvel- lerini Yunanistan'a bundan birçok zamân evvel göndermiş iken, Yunan Hükûmeti Osmanlı üserâsına âid esâmî cedvellerinden büyük bir kısmını vermekden daha geçen aya kadar müstemirren istinkâf etmişdir. Cemʻiyetimiz, sürüncemede kalan bu mesʼele- ye nihâyet vermek için Beynelmilel Salîb-i Ahmer Cemʻiyeti'ne geçen 8 Nisan'da telgrafla mürâcaʻat ederek Yunanistan beş gün içinde matlûb olan cedvelleri göndermeğe karâr vermez ise Ana- dolu'daki Yunan esîrlerine îfâ eylemekde olduğu hizmete nihâyet vereceğini bildirdi. Beynelmilel Salîb-i Ahmer Cemʻiyeti 18 Nisan târîhli mek- tûbuyla bu telgrafnâmeyi almadığını bildiriyordu. Hilâl-i Ahmer Merkezi'ne 24 Nisan'da vârid olan bu mektûb üzerine cemʻiyetimiz hemen Be- yoğlu'ndaki Eastern Telgraf Şirketi'ne bir mektûb yazarak mevzûʻ-ı bahis telgrafnâmenin niçin mür- selün ileyhine varmadığını suâl etdi. Eastern Telgraf Şirketi, 25 Nisan [196] târîhli mektûbuyla mev- zûʻ-ı bahis telgrafnâmenin 8 Nisan târîhinde Cenevre Beynelmilel Salîb-i Ahmeri'ne gönderildiğini ve mürselün ileyhine varmadığının sebebini taʻyîn için tahkîkâta girişildiğini beyân etdi. Mesʼele bundan ibâret olmakla berâber yine muhtâc-ı îzâhdır. Eastern Telgraf Şirketi'nin telgrafları Yunan adalarından birinden, Syra'dan geçiyor. Bundan başka, Mütâreke'den beri Hilâl-i Ahmer'in böyle birkaç telgrafnâmesi mürselün ileyhlerine varma- mışdır. Mahalline varamayan bu seferki telgrafnâmede ise, Yunanistan'dan şikâyet edildiği için telg- rafnâmenin Syra'daki sansürü tarafından alıkonulmuş olması vârid-i hâtırdır. Yunanistan, evvelden beri Cenevre ve Lahey mukarrerâtını, Türkiye'ye taʻalluk etdikçe başka dürlü anlar. Yani Yunanlıların fikrince Türkiye hukûkuna vukûʻ bulacak bütün tecâvüzler kânûnîdir. Bu iddiʻâlarımızı Atina'daki vekâyiʻ ile isbât edeceğiz. 1-Hilâl-i Ahmer'in Gördes kasabası muhtâcîn ahâlîsine tevzîʻ edilmek üzere gönderdiği buğ- daydan bâkî kalan 15.000 kilo zahîre, o aralık Gördes'i işgâl etmiş olan Yunanlılar tarafından zabt ve gasbedilmişdir. 2-Yunanlılar Afyonkarahisarı'nı işgâl etdikleri sırada orada buldukları mühim bir mikdâr Hilâl-i Ahmer malzeme-i sıhhiyesini zabt ve gasb etmişlerdir. [195] Osmanlı Hilâl-i Ahmer Cemʻiyeti Reîsi Sadrıaʻzam devletlü fehâmetlü Tevfik Paşa hazretleri Son Altesse Tevfik Pacha, Grand Vizir: Président du Croissant- Rouge Ottoman