HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 9 274 [198] sıhhiyesi reîsi huzûrunda icrâ edileceği takarrür etmiş iken bilâhare Yunanlılar bu taharriyâtı gündüz icrâdan sarf-ı nazar ederek geceleyin yapmışlardır. Taharriyât esnâsında difteri, dizanteri, vebâ serumlarını hâvî olan kutular ortadan yok edilmiş ve mikroskob kutuları dahi kıymetdâr bir şey zannedilerek anahtarları istenilmeksizin kırılarak âletin ayna ve platin ve adese gibi aksâmı yerlerin- den sökülerek alınmışdır. 7-Mürâcaʻat-ı mükerreremizden bir sene sonra Yunan Salîb-i Ahmeri'nin Yunanistan'daki Türk esîrleri hakkında gönderdiği cedveller, yalnız esîrlerin ve pederlerinin isimleriyle bulundukları âile isimleri ile mensûb oldukları kıtaʻât-ı askeriye hakkında maʻlûmât vermiyor 1* . Şu hâl bîçâre esîrlerin, âilelerini sıhhatlerinden haberdâr etmelerine ve âilelerinden cevâb almalarına imkân bırakmıyor. 8-Hilâl-i Ahmer'in Beynelmilel Salîb-i Ahmer Cemʻiyeti'ne gönderdiği 8 Nisan târîhli telgraf- nâmenin Syra adasında Yunanîler tarafından alıkonulduğu sâbit olmuşdur. Bâlâda taʻdâd olunan sekiz mâdde doğrudan doğruya Hilâl-i Ahmer'e taʻalluku ve âidiyeti olan- lardan ibâretdir. Doğrudan doğruya Hilâl-i Ahmer'e taʻalluk etmeyen bu kabîl vekâyiʻ ve mevâd- dın adedi sayılamayacak kadar çokdur. Bu hâller karşısında riʻâyet edilmeyen ve edilmeyecek olan mukâvelenâmelerin akdinden ne fâide husûle geldiğini suâl etmek hakkımızdır. Salîb ve Hilâl-i Ah- mer'e müteʻallik mukâvelât ise, ahkâmı bilhâssa harb zamânında tatbîk olunmak üzere rehîn-i kabûl edilmişdir. Adem-i tatbîkinin iltizâm edilmesi, ahkâm-ı mezbûrenin biraz da adem-i mevcûdiyetini intâc etmez mi? Sarâhaten anlaşılıyor ki, Yunanistan'ın maksadı İslâmları ve İslâmlara âid bi'l-cümle eşyâyı ve hukûku mahvetmekdir ve bu gâyeyi istihdâf ve teʼmîn eden bi'l-cümle vesâit Yunanistan nazarında meşrûʻ ve makbûldür!!.. _______________ Asinara Adası Mevkûfîni Geçen nüshamızda Asinara adasındaki Osmanlı esîrlerinin kurtarılması için yapılan teşebbüsât- dan bahsetmiş idik. Cemʻiyet-i Akvâm Merkez-i Umûmîsi'nden Hilâl-i Ahmer'e vârid olan bir telgrafnâmede, mi- lel-i mütehâribeye âid üserâyı memleketlerine iʻzâm ve tavtîn vazîfesiyle mükellef olan Doktor Nan- sen nâmına hareket etmek üzere Mösyö Raymond Schlemmer'in Asinara mevkûfîni işine bakmak üzere Dersaadet'e iʻzâm edildiği bildiriliyor idi. Mösyö Schlemmer, İstanbul'a gelerek Hilâl-i Ahmer Merkezi'ni ziyâret ve Asinara'dan gelecek olan üserânın hiçbir hizmet-i askeriyede kullanılmayacak- larına → dâir evvelce taleb olunan teʼmînâtın bizzât kendisine verilmesini taleb ve ricâ etdi. Hilâl-i Ahmer İs- tanbul ve Ankara hükûmetlerinden aldığı teʼmînâtı mûmâileyhe iʻtâ ve teblîğ etdi. Mösyö Schlemmer bu hûsusda Yunan Salîb-i Ahmeri ile de müdâvele-i efkâr etmek üzere 29 Nisan'da Atina'ya azîmet etmişdir. *** Genç Hıristiyanlar Cemʻiyeti'nin İstanbul şuʻbesi kâtib-i umûmîsi Mister Sticker, cemʻiyet-i mezkûreye mensûb Mister Fieldbus'un Asinara'daki Türk üserâsını ziyâret etdiğini bildirmek üzere 1. * Bu cedvellerin muhteviyâtından istifâde etmeyen Hilâl-i Ahmer, muntazam cedveller tabʻ etdirerek berây-ı imlâ Yunan Salîb-i Ahmeri'ne teslîm edilmesi ricâsıyla Atina'ya giden Mösyö Raymond Schlemmer'e tevdîʻ etdi.