HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 9 275 mûmâileyhden mevrûd raporun bir sûretini cemʻiyetimize teblîğ etdi. Mister Sticker'e bu lütufdan dolayı arz-ı teşekkür ederiz. Bu raporun mühim aksâmını tercemeten iktibâs ediyoruz: "-Beynelmilel Salîb-i Ahmer Cemʻiyeti tarafından İtalya Salîb-i Ahmeri'ne hitâben bir tavsiyenâme almış idim. İtalya Salîb-i Ahmeri, Asinara'daki Türk üserâsını ziyâret etmekliğime müsâʻa- de edilmesi için İtalya Hâriciye Nezâreti'yle Harbiye Nezâreti'ne mürâcaʻat etdi. Hâriciye Nezâreti 10 Şubat 1922 târîhli cevâbında: '-Biz Asinara'daki Türkleri esîr değil, misâfir sıfatıyla tanı- yo[ru]z' diyor idi. Asinara adası, Sassari Mutasarrıflığı'na merbût olduğu için Sasari'ye ve oradan adanın tâm karşısında bulunan Porto Torres'ye gitdim ve oradan hükûmetin bir vapuru ile Asinara'ya vâsıl oldum. Asinara kumandanı beni taʻâma daʻvet etdi. Asinara'daki Türk zâbitleri murahhası Yüzbaşı Ali Galib Bey dahi bu taʻâmda me- dʻuvven hâzır bulundu. Asinara'da el-yevm 56 Türk zâbiti ve 496 Türk neferi vardır. Bunlar 18 Teşrîn-i Evvel 1921'den beri burada bulunmakda olup kısm-ı aʻzamı yedi-sekiz senelik bir esâret hayâtı geçirmişlerdir. Bu müddet zarfında üzücü ve berbâd şerâit dâhilinde yaşadıkları için yorgun görünüyorlar. Bu yorgunluk neferlerde daha ziyâde meşhûd olmakdadır. İçlerinde yaşı elliyi geçmiş olanların adedi 60 kadardır. Üserânın en büyük arzuları, bir an evvel memleketlerine kavuşma- larıdır. Iraklı ve Suriyeli 1 zâbit ile 17 nefer, İngiltere'nin tavassu- tuyla 1921 Kânûn-ı Evvel'inde memleketlerine iʻzâm edilmişlerdir. Üserânın sıhhati umûmiyet iʻtibârıyla iyidir. Yalnız ada- ya yeni geldiği vakit hastalanmış olan bir nefer 17 Teşrîn-i Sânî 1921'de vefât etmişdir. Bunlar arasında el-yevm [200] hastahânede yatan yokdur. İtalya, bu üserâya hüsn-i muʻâmele ediyor. Ali Galib Bey'in üserâya karşı gösterdiği muʻâdele de iyidir. Üserâ, adada serbest olup istedikleri yere gidiyor ve âileleri ile muhâbere ediyorlar. Üserânın iskân edildiği barakalar geniş ve havâdârdır. Her esîrin bir yatağı vardır. İʻâşelerini İtalya Hükûmeti teʼmîn ediyor. Her nefere günde yirmi beş santim veri- liyor. Neferler İtalyan askerinin üniformasını, elbisesini, ayakkabılarını giyiyorlar. Yemekleri İtalyan neferlerine verilenin aynıdır. Zâbitler, bir, iki yâhûd üç yataklı odalarda ikâmet ediyor ve odalarını zarîf bir sûretde süslüyor- lar. İtalya Hükûmeti günlük yemek bedeli olarak her zâbite yevmiye yedi İtalyan lirası (frank) veriyor. Zâbitlere aylık vermiyorlar. Zâbitler Asinara'ya vâsıl olduklarının ilk ayı zarfında neferler gibi günde 25 santim almışlar idi. Geçen Kânûn-ı Evvel'de her zâbite peşîn olarak 200 İtalyan lirası verilmişdir. Bu esîrler bana âtîdeki arzularını ızhâr u iblâğ eylediler: 1-Sürʻat-i mümkine ile memleketlerine iʻâde edilmeleri 2-Bu mümkün değil ise, maʻlûllerin iʻâde edilmeleri. Bundan üç ay evvel esîrleri muʻâyene eden bir İtalyan askerî tabîbi, bunlardan maʻlûl olanları ayırmış idi. [199] Asinara mevkûfîninin tahliye işleriyle iştigâl etmeğe meʼmûr ve bu bîçârelerin tahlîsine muvaffak olan Beynelmilel Salîb-i Ahmer Cemʻiyeti Murahhası Mösyö Raymond Schlemmer M. Raymond Schlemmer Délégué du Comité International de la Croix Rouge. M. Schlemmer a visité Constantinople et Athènes et a obtenu lʼautorisation de faire évacuer les internés turcs dʼAsinara