HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 9 276 3-Romatizmadan muztarib olanlara takayyüdâtda bulunulması 4-Ruslar tarafından bi-gayr-ı hakkın esîr edilmiş olan 35 sivil esîrin derhâl memleketlerine iʻâdesi 5-İʻâdeleri mümkün olmayanların Sardinya'nın diğer taraflarına nakledilmeleri Bu esîrler çalışmak istiyorlar. Asinara'da ise iş yok. General Zincone bazılarına tarlalarda iş arayacağını vaʻd etdi. 6-Şâyed şimdi olduğu gibi zâbitler muntazaman maʻâş alamayacaklar ise, kendilerine başka bir menbaʻdan para tedârük edilmesi 7-Asinara'da yaz mevsimi pek sıcak olduğundan zâbitlere yazlık elbise verilmesi 8-Zâbitler gıdâ-yı fikrîye dahi muhtâc olduklarından kendilerine Türkçe, Fransızca, Almanca kitâb, gazete ve mecmûʻa irsâl etdirilmesi ve mümkün ise adada bir sinematoğraf, mûsikî ve oyun âlâtı bulundurulması 9-Garnizon derûnunda ihtiyâclarının teʼmînine medâr olacak ve ucuz fiyâtla eşyâ satacak bir dükkân açdırılması ilh." *** Atina'ya azîmetini yazdığımız Mösyö Schlemmer, şehr-i mezkûra vâsıl olduğunu ve Asinara üserâsının serbest bırakılması için Yunanistan'ın muvaffakiyetini istihsâl ve üserânın bir an evvel memleketlerine iʻzâm edilmeleri için Roma'ya azîmet etdiğini Cemʻiyet-i Akvâm ve Beynelmilel Salîb-i Ahmer'in İstanbul murahhası maʻrifetiyle Hilâl-i Ahmer'e bâ-telgrafnâme bildirdi. *** 11 Mayıs 1338 [1922] târîhine musâdif geçen Perşembe günü Hilâl-i Ahmer, Mösyö Schlem- mer'den bir telgrafnâme aldı. Mûmâileyh üserânın tahliye muʻâmelâtını ikmâl etdiğini bildirdikden sonra bu bîçâreleri almak üzere hemen bir vapurun iʻzâm edilmesini taleb ve ricâ ve Roma Sefâret-i Seniyyesi Başkâtibi Feridun Bey'in de bu iş ile iştigâl etmekde olduğunu işʻâr etdi. *** Hilâl-i Ahmer, üserâyı aldırmak üzere Seyr-i Sefâin İdâresi'nden Ümid vapurunu istîcâr etdi. Vapur Ali Macid Bey'in taht-ı riyâsetindeki heyʼeti hâmilen bir-iki güne kadar İtalya'da azîmet ede- cekdir.