HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 9 278 Hanya'daki Sürgün Mektebi'ne Hilâl-i Ahmer'in Yardımı Girid adasında Hanya Şehri Cemâʻat-i İslâmiyesi reîsi, Suda limanına nefy edilen müslümân- ların çocukları için bir mekteb küşâd etdiğini ihbâr ve bu mektebe âid kalem ve kâğıd ihtiyâcâtının teʼmînini Hilâl-i Ahmer'den ricâ etdi. Hilâl-i Ahmer, Hanya Cemâʻat-i İslâmiye Riyâseti'nin bu mürâ- caʻatını nazar-ı iʻtibâra aldı ve 29 Nisan'da Atina'ya azîmet etmiş olan Cemʻiyet-i Akvâm ve Beynel- milel Salîb-i Ahmer Murahhası Mösyö Raymond Schlemmer vedâʻatıyla bu husûsda sarf edilmek üzere yüz lira gönderdi. _______________ Buenos Aires'de Anadolu Harb Menkûbîni Menfaʻatine Konser Arjantin Hilâl-i Ahmer Komitesi, geçen Mart'ın 25'inde Arjantin Salîb-i Ahmer Cemʻiyeti'nin himâyesi altında olmak üzere Anadolu harb menkûbîni menfaʻatine fevkalâde bir konser tertîb et- mişdir. Konsere Arjantin'in pâyitâhtı olan Buenos Aires Belediyesi mûsikası da iştirâk etmişdir. Bu konserin hâsılâtı neye bâliğ olduğunu henüz bilmiyoruz. _______________ KırımAçlarına Yardım Kırım ahâlî-i İslâmiyesi'nin aç olduğunu ve imdâdına yetişmek lâzım geldiğini ve Kırım Cemʻi- yet-i Hayriyesi nâmıyla şehrimizde bir cemʻiyet teşekkül etdiğini geçen nüshamızda yazmış idik. Kırım Cemʻiyet-i Hayriyesi'nin Hilâl-i Ahmer makbûzlarıyla topladığı iʻâne esmânı ile beş yüz ve Ankara Hilâl-i Ahmer Murahhaslığı'nın iʻânesiyle kezâlik beş yüz çuval un mübâyaʻa edilerek Hilâl-i Ahmer'in bir murahhası vâsıtasıyla bugünlerde Kırım'a gönderilecekdir. _______________ Doktor Roehrich'in Raporu Cenevre Beynelmilel Salîb-i Ahmer[i] nâmına Anadolu'daki Yunan esîrlerini teftîşe meʼmûr edilmiş olan Doktor Roehrich, bu teftîş netîcesinde tanzîm etdiği raporu Beynelmilel Salîb-i Ahmer Merkezi'ne vermişdir. Sûreti cemʻiyetimize gönderilmiş olan bu rapordan gelecek nüshamızda bah- sedeceğiz. _______________ Mösyö Schatzmann'ın Raporu Geçenlerde Yunanistan'da bulunan Türk üserâsının ahvâlini teftîşe meʼmûr edilen Beynelmilel Salîb-i Ahmer Murahhası Mösyö Schatzmann'ın tanzîm eylediği rapor Beynelmilel Salîb-i Ahmer Merkezi tarafından Hilâl-i Ahmer'e gönderildi. Bu raporun mündericâtından gelecek nüshamızda bahsedeceğiz. _______________