HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 9 279 [203] Rusya'da Kalan Esîrlerimiz Rusya ve Kafkasya'da kalmış olan üserâmızın ahvâli hakkında tahkîkâtda bulunmak ve bu za- vallıların memleketlerine iʻâdeleri çâresine tevessül eylemek üzere Ankara Hilâl-i Ahmer Heyʼet-i Murahhasası'na meʼmûr es-Seyyid Abdülmuttalib Bey Rusya'ya iʻzâm edilmişdir. Abdülmuttalib Bey Rus Salîb-i Ahmer Cemʻiyeti'yle bu bâbda görüşüp anlaşmak üzere Moskova'ya kadar gidecekdir. _______________ Muhâcirîn-i İslâmiye'ye İmdâd İngiliz Komitesi ve Davudpaşa Muhâcirîn-i İslâmiyesi Davudpaşa'daki muhâcirîn-i İslâmiye'nin emr-i iʻâşesini derʻuhde eden İngiliz komitesi, muhâ- cirîn-i mezkûrenin iʻâşesine medâr olmak üzere bu defa dahi ale'l-hesâb 3.315 Osmanlı lirasıyla 1.000 İngiliz lirasını Hilâl-i Ahmer Veznesi'ne teslîm etdi. Hilâl-i Ahmer, bu muhterem komiteye bîçâre muhâcirlerimiz nâmına tekrâr arz-ı şükrân eder. _______________ Hilâl-i Ahmer, Mahyada İstanbul'da meşhûr Süleymaniye Câmiʻi'nin büyük mahyası geçen gece şimdiye kadar alışılmamış zarîf bir şekil ile tezyîn edil- miş idi. Ramazân-ı şerîfin üçüncü akşâmı bu güzel ve geniş mahya- da kandîllerden müteşekkil kocaman ve kırmızı bir hilâlin altında "Hilâl-i Ahmer'i Unutmayınız" cümlesi yazılı idi. Hilâl-i Ahmer, muhterem mahyacılarımıza ve bu fikri veren- ler ile onu kuvveden fiʻle çıkaranlara azîm teşekkür eder. _______________ Hilâl-i Ahmer'e Hâricden Gelen Muʻâvenetler Beyrut tüccâr-ı muʻteberânından Abdülkadir er-Ricle el-Kas- sâr Efendi mahdûmu Muhammed Hayır Bey tarafından şehrimiz tüccâr-ı muʻteberesinden Megamiz Birâderler vâsıtasıyla 100 Os- manlı lirası, Kahire'de Eczâhâne-i Nasuhî Sâhibi Mehmed Ali Na- suhi Bey [204] tarafından 1.325,5 Osmanlı lirası, Londra'da muhte- rem Emir Ali hazretleri tarafından 100 İngiliz lirası, Tunus'da çıkan el-Vezîr Gazetesi Müdürü et-Tayyib bin İsa Bey maʻrifetiyle muh- telif müteberriʻ nâmına 180 frank ve kezâ mûmâileyh maʻrifetiyle 100 frank vürûd etmişdir. Hilâl-i Ahmer bütün bu müteberriʻîn ve mütevassıtîn-i kirâ- ma alenen beyân-ı teşekkür eder. *** Hilâl-i Ahmer'e 1.325,5 Os- manlı lirası teberruʻ eden Kahi- re'de mukîm Eczâhâne-i Nasuhî Sâhibi Mehmed Ali Nasuhi Bey Mehmed Ali Nassouhi Bey, propriétaire de la Pharmacie Nassouhi, du Caire. Nassouhi Bey a fait au Croissant-Rouge un don de 1.325 livres turques