HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 10 311 Fransız Salîb-i Ahmeri'nin Bir Teşekkürü Osmanlı Hilâl-i Ahmer Cemʻiyeti Ankara Heyʼet-i Murahhasası tarafından neşrolunan Türkiye Büyük Millet Meclisi'nin Teşekkülünden Sakarya Zaferi'ne Kadar İcrâât Raporu 'nun Fransızca terce- mesinin neşredildiğini geçen nüshamızda yazmış idik. Hilâl-i Ahmerce tabʻ edilen bu gibi neşriyâtın bütün Salîb-i Ahmerlerle münâsib diğer bazı makâmlara gönderilmesi muʻtâddır. Bu raporun Fransızca tercemesini dahi alan Fransız Salîb-i Ahmer Cemʻiyeti reîsinin, Hilâl-i Ahmer reîsine yazdığı teşekkürnâmeden âtîdeki parçayı bi't-terceme iktibâs ediyoruz: "-Hilâl-i Ahmer'in Anadolu'da Kayseri Üserâ Garnizonu'nda bulunmuş olan Fransız üserâsına yapdığı muʻâvenetden dolayı gerek zât-ı âlînize gerek Ankara murahhaslığı reîsine teşekkür etmek için bana bahşedilen bu fırsatdan istifâde ediyorum. Cemʻiyet-i hayriyeniz sâyesindedir ki, vatandâş- larımıza, esîr olan akrabâsına muʻâvenet etmek imkânını bahş ve üserâ mektûblarının mübâdelesini teshîl edebildik. Bu mühim hizmetin hâtırası, Fransız Salîb-i Ahmeri ile Osmanlı Hilâl-i Ahmeri arasında mev- cûd münâsebât-ı haseneyi takviye etmeğe hâdim olacakdır ki, ben bilhâssa bundan dolayı samîmî bir memnûniyet duyuyorum". Hilâl-i Ahmer, büyük Fransız hemşîresinin bu hissiyât-ı dostânesinden dolayı pek mütehassis- dir. Fransız üserâsına yapılan muʻâmeleye gelince; cemʻiyetimiz bu husûsda muʻtâd ve müteʻâmil vazîfesini yapmakdan başka bir şey yapmadı. Hilâl-i Ahmer, bu işlerde yalnız kendisinden kuvvet aldığı milletin vazîfe-şinâslığı ve bâ-husûs civân-merdliği ve merhameti dâiresinde hareket etdiğini yüksek ses ile iʻlân etmekden hiçbir vakit çekinmez. Hilâl-i Ahmer, Fransız Salîb-i Ahmeri'ne bu münâsebetle de harâretli teşekkürâtını takdîm eder. _______________ Claude Farrére'in Hilâl-i Ahmer Kadınlar Merkezi'ni Ziyâreti Hilâl-i Ahmer Kadınlar Merkezi, şehrimizde bulunan Fransız meşâhîr-i muharrirîninden Clau- de Farrére cenâbları şerefine 8 Nisan târîhine musâdif olan Perşembe günü sâʻat beş buçukda bir çay ziyâfeti keşîde etmişdir. Mösyö Claude Farrére, yanında Ercümend Ekrem Bey olduğu hâlde Hilâl-i Ahmer Kadınlar Merkezi'ne gelerek Hilâl-i Ahmer Reîs-i Fahrîsi Müderris Doktor Besim Ömer Paşa, Azmi, Kemal Ömer, Celâl Sahir, Hamdi ve Yusuf Razi Beyler ile Hasib Bey'in refikası, Sami Bey'in kerîmesi, Nakiye ve Belkıs Hanımlar tarafından istikbâl edilmişdir. Bundan mâʻadâ Fransız Salîb-i Ahmer Murahhasası Madam Crosier [223] ile Matmazel Verdo dahi ziyâfetde hâzır bulunmuşlar idi. Muharrir-i şehîr, Hilâl-i Ahmer Kadınlar Merkezi'nin üst katını ziyâret ederek orada çalışmak- da olan fakîr kız çocukların yapmakda oldukları işleri tedkîk etmişdir. Bu dârüssınâʻada çalışan beş küçük çocuk tarafından "hak müdâfaʻi Claude Farrére'e nâçîz bir yâdigâr" olarak şarkkârî bir işleme verilmişdir. Müşârunileyh bu çocuklara teşekkür etmiş ve kendilerini kucaklamışdır. Hilâl-i Ahmer Kadınlar Merkezi'ni terk etmezden evvel, Claude Farrére cenâbları hâtırât defte- rine âtîdeki satırları yazmışdır: