HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 10 312 "-Hilâl-i Ahmer'i ziyâretim şerefine Türk vatanı uğrunda terk-i hayât etmiş olan bu necîb asker- ler hürmetine ve onların burada o kadar latîf bir azîm ü gayret ile çalışmakda olan küçük çocuklarının şerefine. Claude Farrére" _______________ İslâm Gazeteleri ve Hilâl-i Ahmer İslâm gazetelerinin Osmanlı Hilâl-i Ahmeri hakkında yazdıkları makâlât ve havâdisi, Hilâl-i Ahmer târîhi için kıymetli bir vesâik mecmûʻası teşkîl edeceği için sırası düşdükçe kayıd ve zabtet- mek fikrindeyiz: "-Suriye'de çıkan el-İkbâl gazetesi 6 Mayıs 1922 târîhli nüshasında neşreylediği ve: '-Yâ eyyü- hellezîne âmenû…' âyet-i celîlesine istinâd etdirdiği bir bend-i mahsûsda diyor ki: '-Ey muhterem Suriyeliler! Kitâb-ı mübînin evâmirine ve îcâbâtına ittibâʻ ediniz. Ta ki, fevz ashâbından olasınız. Hayra rağbet eden ve hayır işleyen, akvâl ü efʻâli mechûlünüz olmayan ve müs- lim kardeşlerinin uğruna mühim servetlerini vakıf ve fedâ eden kudemâ-yı eslâfınızın eserine tevfîk-i hareket ediniz. Ta ki, onlara intisâbla bi-hakkın iftihâr edebilesiniz'. Hilâlimiz Hilâl-i Ahmer, İslâm'ı, bilâd-ı İslâm'ı istîlâ etmek ve âheng-i İslâm'ı bozmak isteyen leîm bir düşmana karşı seddolanları, beyza-i garrâ-yı İslâm'ı müdâfaʻa edenleri ve bundan dolayı müellim cerîhaların teʼsîriyle inleyen mazlûm ve mecrûhları kalb gözlerinizle görmenizi ve onları mülâhaza etmenizi, onlara yed-i muʻâvenetinizi uzatmanızı sizden ricâ ederek size lisân-ı taʻattufla hitâb ediyor. Düşününüz ki, onlar evlâd ü iyâli Cenâb-ı Hakk'ın merhametine, dîn kardeşlerinin muʻâ- venetine terk ve emânet ederek üzerlerine farz olan emr-i mühimmin îfâsına şitâb etmişlerdir. Binâenaleyh mecrûhların tedâvîsiyle onların âciz kalan evlâd ü iyâl ve ebeveynlerinin ihtiyâcât ve ıztırâbâtını teskîn ve teʼmînle mükellef olan Hilâl-i Ahmer'e iʻâne vermek pek büyük bir hayır ve sevâb olup indallah makbûl ve cezîldir. Bize lâyık ve lâzım olan, vâridâtımızı zarûrî ihtiyâcımıza hasr ve tahsîs ederek iʻlâ-yı kelime- tullah için kıyâm etmiş olanlara muʻâvenet etmekdir. Ta ki, hakkı seven ve adüvvullah ve adüvv-i insâniyet olanlara karşı hakkın müdâfiʻlerine yardım eden bir millet olduğumuz bütün âlem nazarında zâhir olsun. Bütün bir serveti olmamak sebeb-i maʻzeret olamaz. Bütün ihvân-ı dînin bu husûsda ibrâz-ı semâhat ve müsâraʻat eylemeleri lâzımdır. “-Leyse'l-atâʼ mine'l-fuzûli semâhetün hattâ tecidü mâ ledeyke kalîl". *** Kıbrıs'ın Lefkoşa şehrinde çıkan muhterem Söz gazetesinin 16 Ramazân 1340 ve 13 Mayıs 1922 târîhli nüshasında "Hilâl-i Ahmer" nâmı altında yazdığı başmakâleden de [224] âtîdeki cümle- leri iktibâs ediyoruz: "-Osmanlı Hilâl-i Ahmeri, hidemât ve şefkatini yalnız Türklere ve müslümânlara hasretmemiş-