HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 10 313 dir. Harb zamânında esîr düşen birçok İngilizlere ve Fransızlara hidemât-ı meşkûrede bulunduğu gibi Mütâreke'nin ferdâ-yı akdinde Türkiye'de vukûʻa gelen şûriş ve keşmekeş-i umûmîde bütün Ermeni, Rum ilh. yetîmlerinin gözyaşlarını dindirecek tertîbâtda ve kışın merhametsiz ve bî-amân bürûdeti içinde onların hayâtını kurtaracak icrââtda bulunmuşdur. Osmanlı Hilâl-i Ahmeri bütün cihân-ı Hıristiyaniyetin mutaʻassıbâne ve muʻannidâne ısrâr u ibrâmları ile taktîl ve tehcîr edilen yüz binlerce ebeveynin yavrularını zîr-i himâyesine almış ve Hı- ristiyan kılınç ve süngüsü altında memleketinden koğulan yüz binlerce Türk muhâcirlerini iksâ ve iskân eylemişdir. Osmanlı Hilâl-i Ahmeri bütün bunları muvaffakiyetle başardıkdan sonra istiklâl ve hürriyet bayrağı altında ve bin mahrûmiyet içinde harb eden Anadolu kahramânları âilelerinin imdâdına dahi koşmuş ve en nâzik ve buhrânlı zamânlarda kimsesiz bir hâlde bırakılan Anadolu yaralılarını taht-ı tedâvîye almışdır. Binâenaleyh Osmanlı Hilâl-i Ahmeri de Osmanlı hilâli kadar pâk ve mukaddesdir ve ona her Türk ve müslümân kalben merbût ve meclûbdur. Osmanlı Hilâl-i Ahmeri'ne maʻnen olduğu kadar mâddeten de merbûtiyetimizi isbât için ona zamân ve mekânın müsâʻadesi nisbetinde muʻâvenet-i nakdiyede bulunmamız lâzımdır". Söz gazetesi bu başmakâlesinden sonra mecmûʻamızın son üç nüshasında münderic "Câmiʻ ve Bayram Günleri" makâlesini dahi aynen derc eylemişdir. *** Yine Kıbrıs'da intişâr eden Vatan refîk-i muhteremimizde âtîdeki havâdisi okuduk. "-22 Nisan Cumartesi günü akşâmı Lefke gençleri tarafından hâsılât-ı sâfiyesi Hilâl-i Ahmer'e mahsûs olmak üzere 'Vatan Manastır' piyesi temsîl edilmiş, hasâd münâsebetiyle Türk köylülerinin müsâmereye iştirâk edememiş olmasına rağmen tiyatro binâsı tamâmen dolmuşdur. Mekteb talebesi tarafından 'Kafkas Marşı' terennüm ve mini mini bir yavru tarafından 'İstiklâl Marşı' müessir bir sû- retde inşâd edilmişdir. Mekteb muʻallimlerinden Salih Oktay Efendi Anadolu felâketzedelerinin hâlini sûzişli bir lisân- la anlatmış ve Polis Yüzbaşısı Mehmed Bey tarafından cemʻiyete hediye edilen Gâzî Mustafa Kemal Paşa hazretlerinin küçük bir heykeli ve fotoğrafîleri müzâyedeye konularak her tarafdan kemâl-i iş- tiyâkla iştirâk olunmuş ve bu küçük kasabada o geceki hâsılât yüz İngiliz lirasını tecâvüz eylemişdir". *** Tunus'da çıkan el-Vezîr gazetesinin Kahire muhâbiri gazetesine yazıyor: "-Mısır ekâbiri ve Mısır halkı, Anadolu menkûbîni ile muhâcirlerin tehvîn-i âlâmı için çalış- makdan usanmıyorlar. Gün geçmez ki bu bîçârelerin ıztırâbâtını teskîne medâr olacak teşebbüsâtda bulunulmuş olmasın. Muharrirîn sınıfı, hâsılâtı muhâcirlere tahsîs edilmek üzere bir tâkım âsâr neşre- diyor. Bir kısım ahâlî şehrî vâridâtının bir kısmını bu bîçârelere terk ve tahsîs ediyor. Diğer bir kısım ahâlî memleketin her tarafında iʻâne cemʻ etmek üzere komiteler teşkîl etmekle iştigâl ediyorlar. Hele