HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 10 314 talebenin gayreti bütün sitâyişlerin fevkindedir. Mısır mekâtib-i âliye, tâliye ve hattâ ibtidâiyesi tale- besi iʻâne toplamak için birbirleriyle müsâbaka edercesine çalışıyorlar…" _______________ Mühim Bir Teberruʻ Fatih Dâire-i Belediyesi Tahrîrât Mümeyyizi Arabgirli Ge- muhluzâde Mustafa Bey 26 Mayıs 1338 [1922] senesine musâdif Cuma günü vefât etdi. → Mûmâileyh, vefâtından evvel Fener civârında Kesmekaya'da mutasarrıf olduğu sekiz oda iki bâb kârgîr hâneyi Hilâl-i Ahmer'e terk ve teberruʻ eylemek sûretiyle mebrûr ve meşkûr bir eser-i ha- miyet-perverî göstermişdir. Mustafa Bey merhûmun cenâzesi, vasiyeti mûcebince Hilâl-i Ahmer Cemʻiyeti tarafından ihtifâlât-ı lâzıme ile kaldırılarak Fatih Câmiʻ-i Şerîfi'nde namâzı baʻde'l-edâ Edirnekapısı'nda âilesi kab- ristânına defnedilmişdir. Hilâl-i Ahmer Cemʻiyeti nâmına Aşhâneler Müfettişi Doktor Galib Hakkı Bey ve meʼmûrîn ve müstahdemîn-i sâire ve Merkez Kumandanlığınca iʻzâm edilen efrâd-ı askeriye ve zevât-ı sâire cenâze merâsimine iştirâk etmişlerdir. Osmanlı Hilâl-i Ahmeri'nin târîhinde dâimî sûretde yaşa- yacak olan bu rûh-ı necîb ve muʻallânın hayrât sâhasında emsâ- line bir hüsn-i misâl olmasını temennî ederiz ve bu münâsebetle merhûm-ı mûmâileyhin geçen harbde evlâdlarını gâib etmiş olan fedâkâr birâderleri Mehmed ve Ahmed Beylerle hemşîrezâdeleri Zihni Bey'e beyân-ı taʻziyet eyleriz. *** Mustafa Bey merhûm, Hilâl-i Ahmer'e şimdiye kadar bu yol- da teberruʻâtda bulunanların üçüncüsüdür. Ondan evvel Zihni Paşa ve Ömer Âli Beyler, Hilâl-i Ahmer'e mülk vasiyet etmek sûretiyle ibrâz-ı meâsir-i hamiyet ve şefkat eylemişler idi. _______________ Hilâl-i Ahmer Kongresi Hâl-i harbin el-ân devâm etmesine ve vilâyât mümessillerinin iştirâklerine imkân görülememe- sine nazaran Hilâl-i Ahmer Kongresi ictimâʻının teʼhîri merkez-i umûmîye iblâğ edilmişdir. _______________ [225] Hilâl-i Ahmer'e sekiz oda- lık iki bâb hâne teberruʻ eden Fatih Dâire-i Belediyesi Tahrîrât Mümeyyizi Arabgirli Gemuh- luzâde Mustafa Bey merhûm Feu Kemouhli Zadé Moustapha Bey, sous chef de la Correspon- dance du Cercle municipal de Fatih. Le défunt a légue au Cro- issant-Rouge deux maisons de huit chambres chacune