HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 10 315 Teşekkürler "Câmiʻ ve Bayram Günleri" makâlemizi iktibâs eden İstanbul matbûʻâtıyla taşrada intişâr edip de elimize vâsıl olabilenlerden Tunus'da → çıkan el-Vezîr , Kıbrıs'da çıkan Söz , Sivas'da çıkan İrâde-i Milliye ve Trabzon'da çıkan Genç Anadolu gazetelerine teşekkürler ederiz. Mecmûʻamızın havâdisini el-Vezîr ga- zetesi için terceme eden Mehmed Vehbi Kisrâvî Bey'e de ayrıca beyân-ı memnûniyet eyleriz. *** Ramazân Bayramı münâsebetiyle mektûb ve telgraf göndermek sûretiyle Hilâl-i Ahmer'i tebrîk etmek lütfun- da bulunmuş olan zevât-ı kirâmın bayramları mütekâbilen tebrîk edilerek kendilerine ayrıca takdîm-i teşekkürât olu- nur. *** Bayramda intişâr eden Hilâl-i Ahmer gazetesin- de kupon şeklinde tanzîm olunan "Hilâl-i Ahmer'e Aʻzâ Kaydı Taʻahhüd" varakasını doldurarak kesdikden sonra Hilâl-i Ahmer'e iʻâde etmekle berâber aʻzâ olduklarını bil- diren zevât-ı muhteremeye dahi teşekkürlerimizi takdîm ederiz. *** Hilâl-i Ahmer'e karşı hidemât-ı kesîre ve müfîdesiyle temeyyüz etmiş olan Tunus'da çıkan el- Vezîr Gazetesi Müdürü et-Tayyib bin İsa Beyefendi, îd-i saʻîd-i fıtrı kârilerine tebrîk eder iken Os- manlı Hilâl-i Ahmeri'ni İslâm halkının semâhat ü şefkatine tavsiye ediyor. Hilâl-i Ahmer mûmâileyhe ihtirâmât ve teşekkürât-ı mahsûsasını arz etmekle müftehirdir. _______________ [226] Geçen Ramazân Bayramı'nda Kadıköyü'nde Hilâl-i Ahmer çiçeğini tevzîʻ eden grupların en küçüklerinden biri Hilâl-i Ahmer Kadıköy Şuʻbesi Fahrî Veznedârı Zahid Bey'in kerîmesi Mergube ile mahdûmu Mehmed Garam Equipe miniscule distribuant la fleurette du Croissant-Rouge pendant le Ramazan Baïram Mergoubé et Mehmed Garram, fille et fils de Zahid Bey, trésorier honoraire de la section du Croissant-Rouge de Kadi-Keuy