HİLÂL-İ AHMER MECMÛʻALARI / CİLT 1

342 Birinci Sene 18 Zilkaʻde sene 1340 / 15 Temmuz sene 1338 (1922) Numara 11 Makâlât ve İʻlânât, Neşriyât ve Teşvîkât Komisyonu Kitâbeti'ne Gönderilmelidir. OSMANLI HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Ayda Bir Defa Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 1783 Hilâl-i Ahmer'e gönderilecek mektûb, para, eşyâ ve bi'l-cümle teberruʻât, "Dersaadet'de Hilâl-i Ahmer Cemʻiyeti Riyâseti" nâmına irsâl edilmelidir. Mündericât: Hilâl-i Ahmer Havâdisi – Teberruʻât – Fransızca Kısmı – İngilizce Kısmı _______________ Kurbân Bayramı Yaklaşıyor. Bayram ve Câmiʻ Günlerini Unutmayınız! HİLÂL-İ AHMER HAVÂDİSİ Mısır Hilâl-i Ahmeri Bu nüshamızı, Mısır Hilâl-i Ahmer Cemʻiyeti Heyʼet-i Faʻâliyesi'ne âid iki resim ile tezyîn ve bu vesîle ile ızhâr-ı âsâr-ı şükr ü iftihâr ediyoruz. Evvelâ, Mısır Hilâl-i Ahmeri denilince hâtırımıza en şefkatli, en sevgili bir hemşîremiz gelir. Bu azîz ve müşfik hemşîre, elemli ve kederli zamânları- mızda bize tesellî-bahş bir söz söylemeğe, sehî ve şefkatli bir el uzatmağa dâimâ ve dâimâ şitâbân olmuşdur ve oluyor. Türk milletinin ve kuvvetini ve o milletin samîm-i rûhundan alan Osmanlı Hilâl-i Ahmer Cemʻiyeti'nin, Mısırlı muhterem hemşîresine karşı duyduğu minnetdârlık ve şükrân hisleri o kadar büyük, o kadar yüksek ve o kadar derîndir ki, kelimeler ve cümleler ile tavsîf ve ifâdesi kâbil değildir. Hiç unutmayınız ki, mübeccel Mısır Hilâl-i Ahmeri her fırsatda ve her zamân imdâdımıza, muʻâvenetimize koşmuşdur. 1911 senesi sonlarında yani Trablusgarb Harbi esnâsında Hilâl-i Ahmer Tobruk'da bir hastahâ- ne ve Defne'de bir seyyâr hastahâne teʼsîs etmeğe karâr vermiş idi. Bu vazîfe ile Trablus'a iʻzâm edil- miş olan Doktor Arif Bey esnâ-yı seyâhatinde Mısır'a uğramış ve Mısır Hilâl-i Ahmeri'nin yardımıyla [242] malzeme-i sıhhiyesinin büyük bir kısmını Mısır'da tedârük ve ikmâl etmişdir. 1912'de yani Balkan Harbi esnâsında Mısır Hilâl-i Ahmeri Türkiye'ye altı büyük heyʼet-i sıhhi- ye gönderdi. Cebhede çalışmağı tercîh etmiş olan bu altı heyʼetin isimleri şunlardır: 1-Hadımköy Hastahânesi'ndeki Mısır Hilâl-i Ahmer Heyʼeti