HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 11 343 2-Beylerbeyi Hastahânesi'ndeki Mısır Hilâl-i Ahmer Heyʼeti 3-Ayastefanos Hastahânesi'ndeki Mısır Hilâl-i Ahmer Heyʼeti 4-Maltepe Hastahânesi'ndeki Mısır Hilâl-i Ahmer Heyʼeti 5-Yedikule Muhâcirîn Hastahânesi'ndeki Mısır Hilâl-i Ahmer Heyʼeti 6-Bahr-ı Ahmer Sefînesi Hastahânesi'ndeki Mısır Hilâl-i Ahmer Heyʼeti Mısır Hilâl-i Ahmeri, Harb-i Umûmî esnâsında bazı esbâbdan dolayı imdâdımıza gelememiş ise de bu defa Anadolu harb musâbîni menfaʻatine medâr olmak üzere İstanbul Osmanlı Hilâl-i Ah- meri vâsıtasıyla mevkiʻ-i harbe 15.140 İngiliz lirası ve malzeme-i sıhhiyeyi hâvî 32 denk göndermek lütfunda bulundu. Türk milleti ve Osmanlı Hilâl-i Ahmeri sevgili Mısır'ın bu iyiliklerini unutamaz. Bütün Türk milletinin hissiyâtını terceme ve teblîğ eylediğine kâniʻ olan Osmanlı Hilâl-i Ahmer Cemʻiyeti, Mısır Hilâl-i Ahmeri Heyʼet-i Faʻâlesi'yle o muhterem heyʼetin temsîl eylediği Mısır millet-i necîbesine en hâr ve en samîmî teşekkürât-ı kalbiyesini iblâğ ve takdîm etmekle iftihâr ve bu sûretle bütün Mısırlı- lara karşı alenen mukaddes bir minnetdârlık göstermeği vazîfe addeder. _______________ Beynelmilel Salîb-i Ahmer Cemʻiyeti'nin Bir Beyânnâmesi 1921 senesi Teşrîn-i Sânî'sinin evâiline doğru Türkiye Büyük Millet Meclisi Hâriciye Vekî- li Yusuf Kemal Beyefendi Yunan ordularının îkâʻ etdikleri tahrîbâta, Eskişehir, Afyonkarahisarı ve Haymana arasında yakılan yüzlerce köye ve mahv u ifnâ edilen insân ve itlâf olunan hayvânâta dâir Beynelmilel Salîb-i Ahmer Cemʻiyeti'ne bir telsiz telgraf çekerek bu felâketlerin taʻmîrine medâr olacak vesâitin tedârükü zımnında Hindistan, Mısır, Suriye ilh. gibi memâlik-i İslâmiye'de iʻâne top- lamağa tavassut eylemesini ricâ etmiş idi. 27 Kânûn-ı Sânî 1922'de Cenevre Osmanlı Şehbenderi Cemil Selman Bey, muhâcirîn-i İslâmi- ye'nin ihtiyâcını tehvîn edebilmek için Rus muhâcirleri hakkında tatbîk olunan usûlün bizimkilere de tatbîkini yani beynelmilel bir komitenin teşkîliyle hâl-i faʻâliyetde bulunmasını, muhtelit bir komite- nin teşkîliyle hâl-i faʻâliyetde bulunmasını, muhtelit komisyondan ricâ etmiş idi. Bu teşebbüsât üzerine muhtelit komisyon, muhâcirîn-i İslâmiye için taleb olunan imdâd teş- kîlâtıyla iştigâli Beynelmilel Salîb-i Ahmer Cemʻiyeti'ne bırakmış idi. Hilâl-i Ahmer Reîs-i Sânîsi Hâmid Bey'in Paris'e vukûʻ bulan son seyâhati esnâsında Beynel- milel Salîb-i Ahmer Cemʻiyeti'nin bir heyʼeti müşârunileyhi Paris'de [243] ziyâret etmiş ve 9 Mart 1922 târîhinde mevzûʻ-ı bahis mesʼeleye dâir bazı mukarrerât ittihâz edilmişdir. Bu mukarrerât, mec- mûʻamızın 8'inci nüshasında mündericdir. Bunun üzerine Beynelmilel Salîb-i Ahmer Cemʻiyeti 3 ve 15 Mart 1922 târîhinde Fransız ve İngiliz müstemlekesi olan bazı memâlik-i İslâmiye ahâlîsinden para toplamağa kendisine müsâʻade verilmesi için [244] Fransız ve İngiliz hükûmetlerine mürâcaʻat etdi. Fransa Hükûmeti'nin 16 Mart ve İngiltere Hükûmeti'nin 11 Nisan târîhli mektûblarıyla bu iki hükûmet Beynelmilel Salîb-i Ah- mer'in kendi müstemlekelerinden bu husûsa âid iʻâne cemʻi teşebbüsünde bir mahzûr görmediklerini cevâben bildirdiler.