HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 11 344 Beynelmilel Salîb-i Ahmer Cemʻiyeti bu sû- retle her iki hükûmetin de muvâfakatını aldıkdan sonra metni ber-vech-i zîr terceme ve derc olunan beyânnâmeyi memâlik-i İslâmiye'deki umûr-ı hay- riye cemʻiyetlerine ve İslâm matbûʻâtına gönderdi: "-Beynelmilel Salîb-i Ahmer Cemʻiyeti, Türkiye Büyük Millet Meclisi Hükûmeti'nin ve Osmanlı Hilâl-i Ahmeri'nin talebi üzerine harbden ve onun netâyicinden mutazarrır olan Osmanlıla- ra yardım zımnında sâlifü'z-zikr Osmanlı mües- sesesiyle müştereken vâsiʻ bir muʻâvenet teşkîlâtı yapmağa karâr vermişdir. Harbden mutazarrır Os- manlıların iskân eylemekde oldukları köyler mah- volmuş, onlar tarafından zerʻ edilip evvelce zengin ve maʻmûr bulunan vâsiʻ ovalar bugün ekilemeye- cek bir hâle gelmiş, genç ve dinç erkekler on iki sene süren harblerde terk-i hayât etmiş, on binlerce insân evlerini, barklarını, tarlalarını ve servetlerini bırakarak İstanbul'a muhâcerete mecbûr bırakıl- mışdır. Gerek tahrîb-dîde arâzî harâbelerine dağıl- mış gerek esâsen kalabalık olan herhangi bir şehrin meʼvâlarına sığınmış olan bu bîçârelerin son de- rece büyük sefâletini tahfîf eylemek ve bu zaval- lıların harâb olmuş köylerini iʻmâr ve kendilerine oralarda faʻâl bir hayât geçirmek imkânını vermek üzere umûmî bir gayret ve teʻâvün ihzârı elzem görülmekdedir. İşte Beynelmilel Salîb-i Ahmer Cemʻiyeti, bu bedbahtların çıplaklığından müteessir olanlara mürâcaʻatla herkesin iktidârı dâhilinde muʻâvenete şitâb ile ve iʻânelerini Cenevre'de Promenade du Pin, numara 1'deki Beynelmilel Salîb-i Ahmer Cemʻiyeti'ne göndermelerine intizâr eder. Beynelmilel Salîb-i Ahmer Cemʻiyeti bu emrin hüsn-i idâresi hakkında Osmanlı Hilâl-i Ahme- ri'yle bir iʼtilâf akdetmişdir. Bu iki müessesenin teşrîk-ı mesâʻîsi memlekete ve ahâlînin ihtiyâcâtına vukûf dolayısıyla iʻânelerin tamâmen insânî ve gayr-ı siyâsî bir sûretde sarf u istihlâki ve emr-i iʻmâ- rın memnûniyet-bahş bir sûretde icrâsı husûslarında her dürlü teʼmînâtı bahşetmekdedir. Bu bâbdaki mesâʻî-i müşterekeye Türkiye Büyük Millet Meclisi Hükûmeti muʻâvenet-i tâmme ibrâzını taʻahhüd eylediği gibi Fransa ve İngiltere hükûmetleri dahi alâkalarını ızhâr ile îsâr-ı muzâheretde ber-devâm bulunacaklarını teʼmîn etmişlerdir. Emr-i iʻmâra köy köy tevessül edilecek, bu da âni ve serîʻ netîceler istihsâline ve işlerin mü- temâdî bir sûretde inkişâfını ümîde imkân verecekdir. Beynelmilel Salîb-i Ahmer Cemʻiyeti, harbden ve onun netâyicinden mutazarrır olup memleketlerine iʻâdelerini ve faʻâliyetleri sâyesinde bir hayât-ı tabîʻiyeye mazhar edilmelerini tasvîr eylediği Osmanlı ahâlîsi lehine herkesin vâsiʻ bir sûretde yardım edeceğini ve bilhâssa bu kadar acı bir sûretde felâketler içinde kalmış olan dîn kardeşlerinin derdleri- ne devâ-sâz olmağı şiddetle arzu eden bütün cihân müslümânlarının bu bâbda büyük âlî-cenâblıklar göstereceklerini ümîd eder. Mısır Hilâl-i Ahmer Cemʻiyeti Reîs-i Âlîsi sâbık Zirâʻat Nâzırı devletlü Abdurrahim Sabri Paşa hazretleri Son Excellence Abdul-Rahım Sabrı Pacha, ancien Ministre de lʼAgriculture, Présidend du Croissant-Rouge Egyptien