HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 11 345 Beynelmilel Çocuklara Muʻâvenet Cemʻiyeti dahi bu felekzedelere müessir ve fedâkârâne muʻâvenetde bulunmağı daha şimdiden ricâ eylemişdir". Hilâl-i Ahmer, Beynelmilel Salîb-i Ahmer Cemʻiyeti'ne bu âlî-cenâbâne teşebbüsden dolayı da ayrıca arz-ı şükrân eder. _______________ Yunanistan'daki Üserâmız Hakkında Mösyö Schatzmann'ın Raporu Beynelmilel Salîb-i Ahmer Cemʻiyeti tarafından Yunanistan'daki Türk üserâsının ahvâlini teftî- şe meʼmûr edilmiş olan Mösyö Schatzmann, ahîren teftîşâtı hakkında tanzîm etdiği raporu cemʻiyet-i [245] müşârunileyhâya takdîm etmişdir. Beynelmilel Salîb-i Ahmer tarafından Hilâl-i Ahmer'e gön- derilen raporun aksâm-ı âtiyesini terceme ve iktibâs ediyoruz: "-Türk üserâ-yı harbiyesi, nefs-i Yunanistan'da ve Yunanîlerin işgâl eyledikleri arâzînin âtîdeki mıntıkalarında bulunuyorlar: Atina mıntıkası: Parapignata, Liossa, Phalères ve Pire Larissa (Yenişehir) mıntıkası: Yenişehir ve Golos Girid mıntıkası: Hanya, Kandiye, Suda ve İzzeddin kalʻası Leucade mıntıkası: Leucade, Korfu, Preveze ve Kanitza, Louro Selanik mıntıkası: Selanik, Karaburun, Roupel kalʻası ve Dedeağaç İzmir mıntıkası: Punta, Balcıova, Pınarbaşı ve Halkapınar Asya-yı Suğrâ mıntıkası: Manisa, Urla, Akhisar, Aydın ve Kazaner garnizonlarını hâvîdir. *** Phalères Garnizonu Bu garnizon pek basît ve ibtidâîdir. Fikri ferâhlandıracak ve eğlendirecek olan kırâat, muhâbe- re, tenvîrât gibi husûsât burada yok gibidir. Yakında bu garnizonda malarya hastalığının başgöster- mesine intizâr etmeli. Pire Garnizonu Buradaki üserâ bir takım angarya işleriyle mükellefdir. Bunları muhâfazaya meʼmûr edilmiş gardiyânlar ve cihet-i askeriye ile üserâ arasında esâslı ve ciddî bir ihtilâf mevcûddur. Üserânın baş- lıca şikâyeti, Yunan askerlerinin yüzlerine karşı fırlatdıkları tahkîrâtdır. Üserâ sû-i muʻâmeleye, cebir ve şiddete maʻrûz kalmış olmalarından şikâyet ediyorlar. Korfu Üserâ Garnizonu Burada mevkûf zâbitân beş aydan beri maʻâş yüzü görmemişlerdir. Esîr zâbitler sert ve dürüşt muʻâmelelere maʻrûzdurlar. Leucade Garnizonu Bu garnizon soğuk olup esîr barındırmağa pek az müsâʻid görünüyor. Civârından lağım geç- mesi dolayısıyla da sıhhî olmakdan çok uzakdır. Üserânın maʻneviyâtı pek düşkün olup garnizonun