HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 11 348 [248] dahi bulunan 18 zâbit, hürriyetden bir dereceye kadar mahrûm olarak yaşamakda ve bütün ihtiyâclarını kendileri tatmîn eylemekde yani yemek pişirmek, temizlik gibi işleri bizzât görmek mec- bûriyetinde bulunmakdadırlar. Maʻiyetlerinde hizmetçi olmadığı gibi hastabakıcıları da yokdur. *** Yunan Hükûmeti tarafından memleketlerine iʻâde edilen Türk zâbit ve üserâsının listesi ber-ve- ch-i zîrdir: 11 Ağustos 1921'de hizmet-i askeriyeye elverişli olmadıkları tebeyyün eden dört nefer, 22 Mart 1922 Alcmene vapuruyla üç sıhhiye zâbiti, 25 Mart 1922'de Poli Kos vapuruyla rüteb-i muhtelifeye mensûb yirmi üç sıhhiye zâbiti, 29 Nisan 1922'de Trilye vapuruyla on iki maʻlûl nefer İstanbul'a muvâsalat etdiler. *** Beynelmilel Salîb-i Ahmer Cemʻiyeti'nin mülâhazâtı: 1-10 Mart 1922 târîhli ve 249 numaralı tahrîrâtıyla Yunan Heyʼet-i Askeriyesi, Yunan Harbiye Nezâreti'nin bu bâbdaki karârına atfen hizmet-i askeriyeye elverişli olmayan kırk altı kişinin serbest bırakıldığını, Beynelmilel Salîb-i Ahmer'ine bildirmişdir. 2-Mösyö Schatzmann, ziyâret etdiği garnizonlarda daha Balkan Harbi'nden kalma Türk esîrle- rine tesâdüf eylemişdir. Bu bîçâreler sekiz seneden beri hürriyetden mahrûmdurlar. Bunların esâretini istilzâm eden harb el-yevm zâil olduğundan şimdiye kadar çokdan serbest bırakılmalı idiler!.. 3-Mösyö Schatzmann, garnizonların birçoklarında en ziyâde ihtiyâr, kadın ve çoluk çocuk bu- lunduğunu kaydediyor. İhtiyârların adedi çokdur. Liossa Garnizonu'nda yaşları 10-85 arasında sivil adamlar vardır. Mösyö Schatzmann, bu esîrler ile ve bilhâssa İzzeddin kalʻasında mevkûf bulunanlar ile görüşdüğünü ve bunlardan birçoğunun maʻsûmiyetine kâniʻ olduğunu söylüyor. Müşârunileyh birçok garnizonlarda akrabâ ve taʻallukâtdan mahrûm 10-11 yaşında çocuklara da rastgelmişdir. Mös- yö Schatzmann raporunun bu kısmında: "-Hiçbir millet kendisiyle muhârib bulunan diğer bir milletin sivil efrâdına, harb üserâsına ya- pılan muʻâmeleler yapılmaz. Lahey Konferansı buna müsâʻade etmez" diyor. 4-Bu esîrler meyânında Bosna ve Hersek'den hicret etmiş bazı İslâmlar da vardır. Bunlar Tür- kiye'ye hicretleri sırasında Yunanîler tarafından esîr tutulmuşlardır. Bundan başka, an-asl Mısır ve Irak ahâlîsinden olup İngilizler tarafından terhîs edilen bazı İslâmların memleketlerine giderler iken Yunanlılar tarafından tekrâr esîr edilmeleri de şâyân-ı taʻaccübdür!.. 5-Yunanîler tarafından bi-gayrı hakkın esîr edilen bu bîçârelerin serbest bırakılmaları için bir müdâhale-i müstaʻcele ve şedîde icrâsı elzemdir. _______________