HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 11 351 İlhami Bey'in, Kırım açları nâmına Hilâl-i Ahmer Merkezi'ne getirdiği mektûbun sûretini de aynen derc ediyoruz: [251] "-Osmanlı Hilâl-i Ahmer Merkezi Komitesi'ne, Birçok husûsî ve târîhî harsların mebdeʼi ve beşiği olan güzel Kırım takrîben bir seneden beri açlığın müdhiş ve ölümlü pençeleri altında inlemekde iken kalbinde insâniyet ve mürüvvet damarları henüz çarpmakda olan milletler ve teşkîlâtlar bizim imdâdımıza şitâb etdiler. Bu nevʻ yardımlar arasında en ziyâde bizi müteessir ve memnûn eden şübhesiz bizim gibi dürlü felâketlerin mütemâdî darabâtı altında kalbi incelmiş ve an-asl ibrâz edegeldikleri fezâil ve mürüvvet bütün cihânın maʻlûmu bulunmuş olan Türk kardeşlerimizin bu son defa uzatdıkları dest-i muʻâve- netdir ki, kuraklıkdan ve kıtlıkdan hâlet-i ihtizâra gelen bütün Kırım halkına ve bilhâssa Tatar mille- tine, karanlık ufukda birdenbire parlayan bir ümîd şuʻlesi ve bir bereket yağmuru teʼsîri yapmışdır. Bütün Kırım ahâlîsi emîndir ki, bu Türk kardeşlerimizin yegâne ve sonuncu yardımı olmaya- cakdır. Necîb kalblerin merhameti muvakkat ve âni olmaz. Belki ebedî ve dâimîdir. Hâl-i hâzırda Kırım'ın, Kırım'daki aç kardeşlerimizin ihtiyâcı erzâk olduğu kadar ileride zuhûr etmesi muhtemel olan açlığa karşı durabilmek için en ziyâde zarûrî olan şeyler çift hayvânâtı, âlât-ı zirâʻiye ve bilhâssa açlığın ayrılmaz dostu olan kolera, tifo ve diğer sârî hastalıklara karşı serîʻan lâzım olan edviye-i tıbbiyedir ki, Hilâl-i Ahmer Merkezi Komitesi'nin en ziyâde bu husûsda bizi unutmayacağına emniyetimiz kavîdir. Her zamân uhuvvet ve necâbetinizin delâiline mazhar olmak ve yakın zamânda size de aynı sûretle mukâbele edebilmek ümîdiyle size, Türkiye'nin en necîb ve en asîl teşkîlâtına samîmî ve kar- deşlik teşekkürâtımızı takdîm eder ve bunu, bu mukaddes işde az çok gayreti sebkat eden diğer bütün teşkîlâtlara ve zevâta dahi teşmîl ve teblîğ etmenizi ayrıca ricâ ederiz. Mühür: Kırım Merkezi İcrâ Komitesi Riyâseti, Mühür: Kırım Komiserler Şûrâsı Riyâseti, Mü- hür: Kırım Merkezi Açlar[a] Yardım Komitesi Riyâseti, dört imzâ" *** Merkezi Şarkî Rusya'da kâin Ufa şehrinde bulunan Umûm Rusya Müslümânları Nezâret-i Şerʻiyyesi tarafından Moskova Hükûmeti'nin muvâfakatı ile teşkîl olunan "Aç Rusya Müslümânları- na Yardım Heyʼeti" tarafından Türkiye'ye iʻzâm edilen Ubeydullah Bubi ve Mısır'a iʻzâm edilen Tahir İlyas Efendiler Dersaadet'e muvâsalat etmişlerdir. Bu iki zât, refâkatlerinde şehrimiz Tatar Cemʻiyet-i Hayriyesi Kırım Açlarına İmdâd Heyʼeti Kâtib-i Umûmîsi Feyzi Bey olduğu hâlde, Hilâl-i Ahmer Merkez-i Umûmîsi'ni ziyâret ile Reîs-i Sânî Hâmid Beyefendi'ye hitâben hâmil oldukları vekâlet- nâmeleri gösterdiler. Hâmid Beyefendi, heyʼete seyâhatlerinin semeredâr olmasını istilzâm eden her dürlü teshîlâtı göstermeğe hâzır olduğunu söyledi. _______________