HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 11 354 Yunanistan'dan Gelen Maʻlûl Üserâmız Geçen 19 Haziran'da Yunanistan'dan Maria vapuruyla 15 maʻlûl nefer ile 7 maʻlûl sivil esîr şehrimize muvâsalat etmişlerdir. Bu üserâ, Hilâl-i Ahmer'den ve cihet-i askeriyeden taʻyîn edilen meʼmûrlar tarafından istikbâl edilerek neferler Selimiye Kışlası'na ve siviller Muhâcirîn Müdüriyet-i Umûmiyesi'ne sevk edilmiş- lerdir. _______________ Muhâcirîn-i İslâmiye'ye İmdâd İngiliz Komitesi ve Davudpaşa Muhâcirîn-i İslâmiyesi Davudpaşa'daki muhâcirîn-i İslâmiye'nin emr-i iʻâşesini derʻuhde eden İngiliz Komitesi, muhâ- cirîn-i mezkûrenin iʻâşesine medâr olmak üzere bu defa dahi 3.212 Osmanlı lirasıyla 700 İngiliz lirasını Hilâl-i Ahmer Veznesi'ne teslîm etdi. Hilâl-i Ahmer, bu muhterem komiteye bîçâre muhâcirlerimiz nâmına tekrâr arz-ı şükrân eder. _______________ Hilâl-i Ahmer'e Hâricden Gelen Muʻâvenetler Bulgaristan'da Prevadi Kazâsı Cemâʻat-i İslâmiyesi tarafından cemʻ ve müftî-i belde tarafından Anadolu'da dîn-i İslâm'ın şeref ve muhâfazası ve vatanın istihlâsı için şehîd olanların yetîmlerine ufak bir muʻâvenet [254] olmak üzere irsâl olunan 248.000 leva, Londra'da Emir Ali hazretleri tara- fından İngiliz Salîb-i Ahmeri nâmına 140 İngiliz lirâsı vürûd etmişdir. Hilâl-i Ahmer, bütün bu müteberriʻîn ve mütevassıtîn-i kirâma alenen takdîm-i teşekkürât eder. _______________ Hilâl-i Ahmer'in Bayram Çiçeği Hâsılâtı Geçen Ramazân bayramında pâyitahtımız ile Kadıköy ve havâlîsinde tevzîʻ edilen bayram çiçe- ği hâsılâtı 6.227 liraya bâliğ oldu. Seneden seneye artan Hilâl-i Ahmer çiçek hâsılâtı, ahâlînin cemʻi- yetimize karşı ibrâz eylediği muzâheret ve alâkayı gösterir. Hilâl-i Ahmer, bundan hem memnûn hem de müteşekkirdir. _______________ Hilâl-i Ahmer'in Dispanserleri Geçen Haziran'da Hilâl-i Ahmer'in Fatih Dispanseri'nde 1.300, Üsküdar Dispanseri'nde 1.048 hasta meccânen tedâvî ve birinci dispanserden 29 ve ikinciden 28 hasta şehrin muhtelif hastahânele- rine sevk edilmişdir. _______________