HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 12 378 "-Efendiler! Korkmayın! Bu binâya bir şey olmaz! Hilâl-i Ahmer'in mâlı helâldir!" diye ba- ğırarak binâsı yanmakdan kurtulduğu için Hilâl-i Ahmer'e ızhâr-ı teveccüh etmekde olanları hem güldürdü hem memnûn etdi. *** Hilâl-i Ahmer binâsının ittisâlindeki hânede zuhûr eden yangının ân-ı vukûʻundan iki-üç sâʻat sonra Kadıköyü'nde Hasan nâmında ana baba kâtili bir cânî salben iʻdâm ediliyor idi. İʻdâmından bir dakîka evvel kendisine vasiyeti ve diyecek bir şeyi olup olmadığı sorulunca: "-Gâzî Mustafa Kemal Paşa'nın şerefine hânemi ve eşyâmı Hilâl-i Ahmer'e teberruʻ ediyorum!" demiş idi. İlâhi! Hayâtının en meʼyûs zamânında azılı cânîlerin bile hayâl-i maʻneviyetinde zerrîn bir nokta gibi parlamak bu mağdûr milletin Hilâl-i Ahmer'i için ne büyük bir mazhariyetdir! _______________ HİLÂL-İ AHMER HAVÂDİSİ Velîʻahd-ı Saltanat-ı Seniyye Abdülmecid Efendi Hazretlerinin Kıymetdâr Levhası Hilâl-i Ahmer Cemʻiyeti'nin reîs-i fahrîsi Velîʻahd-ı Sal- tanat-ı Seniyye devletlü necâbetlü Abdülmecid Efendi hazret- leri bu defa açılan Türk Ressâmları Sergisi'nde teşhîr buyur- dukları iki kıymetdâr levhanın piyangoya vazʻıyla hâsılâtının Hilâl-i Ahmer ile Muhâcirîn-i İslâmiye'ye münâsafeten taksîm olunmasını emir buyurdular. Hilâl-i Ahmer, bu lütf-ı âliyyü'l-âle nâiliyetinden dolayı velîʻahd hazretlerine maʻa'l-ihtirâm takdîm-i teşekkürâta müsâ- raʻat eder. _______________ Yunanistan'daki Esîrlerimize Gönderilen Paranın Makbûzları Hilâl-i Ahmer'in Yunanistan'daki üserâya göndermekde olduğu paraların makbûzları Yunan Salîb-i Ahmeri tarafından gönderilmemekde idi. Cemʻiyetimiz, bu makbûzların irsâlini teʼmîn için mezkûr Salîb-i Ahmer nezdinde teşebbüsât-ı lâzı- mede bulundu. Bu kere [268] Yunan Salîb-i Ahmeri'nden Hilâl-i Ahmer'e vârid olan bir telgrafnâmede, taleb olunan makbûzla- rın derdest-i irsâl bulunduğu bildirildi. _______________ Galatasarây Resim Sergisi'ndeki kendi çîre-dest-i sanʻatkârâneleri bulunan tablolarını Hilâl-i Ahmer'e ve muhâcirîne münâsafeten ihdâ buyuran Osmanlı Hilâl-i Ahmer Cemʻiyeti Reîs-i Fahrîsi Velîʻahd-ı Saltanat-ı Seniyye devletlü necâbetlü Abdülmecid Efendi hazretleri S. A. I. le Prince Héritier Abdul- Médjid Effendi, Président Honoraire du Croissant-Rouge Ottoman