HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 12 380 Üserâmıza Elbise ve Kinin Gönderiliyor. Yunanistan'ın muhtelif garnizonlarında üserâ-yı Osmani- ye'nin en muhtâclarına tevzîʻ edilmek üzere Hilâl-i Ahmer ta- rafından 1.100 kat elbise ile 90 kilo kinin gönderilmesi takarrür etmişdir. Muhâcirîn-i İslâmiye'ye İmdâd İngiliz Komitesi ve Davudpaşa Muhâcirîn-i İslâmiyesi Davudpaşa'daki muhâcirîn-i İslâmiye'nin emr-i iʻâşesini derʻuhde eden İngiliz Komitesi, muhâcirîn-i mezkûrenin iʻâşesi- ne medâr olmak üzere bu defa dahi 1.600 Osmanlı lirasını Hilâl-i Ahmer Veznesi'ne teslîm etdi. Hilâl-i Ahmer, bu muhterem komiteye bîçâre muhâcirleri- miz nâmına tekrâr arz-ı şükrân eder. _______________ Madam Doughty Willy'nin Yeni Bir Teberruʻu Bundan birkaç ay evvel, kendi parasıyla Cerrahpaşa Aş- hânesi'ni açan ve şimdiye kadar idâme etdiren Madam Doughty Willy, bu defa aynı maksadın teʼmîn-i devâmı için 200 İngiliz lirası daha teberruʻ etdi. Hilâl-i Ahmer âlî-cenâb Madam Doughty Willy'ye en hâr ve en samîmî teşekkürâtını takdîm ile kesb-i şeref eder. _______________ İrtihâl Hilâl-i Ahmer Merkez-i Umûmî aʻzâsından Mîrlivâ Nazif Paşa irtihâl-i dâr-ı bekâ eyledi. Hilâl-i Ahmer, merhûmun cemʻiyetimize vâkiʻ olan hidemâtını kemâl-i şükrân ve minnetdârî ile yâd ve âile-i keder-dîdesine beyân-ı taʻziyet eyler. _______________ Hilâl-i Ahmer'e Hâricden Gelen Muʻâvenetler Sâbık Hicaz Demiryolu Müfettiş Vekîli Adanalı Ömer Sabri Bey vedâʻatıyla Hayfa'da cemʻ olunan 30.627 kuruş, Süveyş'de Hollanda Kumpanyası'nda müstahdem İstanköylü Hasan Mehmed Efendi tarafından şehr-i mezkûrda mukîm Göz Tabîbi Doktor Ahmed Cevdet Bey vedâʻatıyla dört buçuk Mısır lirası vürûd etmişdir. Amerika'da Worcester Kasabası Uhuvvet-i İslâmiye Cemʻiyeti tarafından Ramazân bayramı münâsebetiyle akdolunan bir ictimâʻda Harvard Dârülfünûnu'nda tıb tahsîl eden Fatma Hanım dahi [269] Vukûʻ-ı irtihâlini derc-i sahîfe-i teessür eylediğimiz merkez-i umûmî aʻzâsından Nazif Paşa merhûm 9 Ağustos sene [1]338 [1922] târîhinde ictimâʻ eden Hilâl-i Ahmer Merkez-i Umûmîsi müşârunileyhin vukûʻ-ı irtihâlleri münâsebetiyle hâtırasına hürmeten celsesini beş dakîka taʻtîl eylemişdir. Dr. Nazif Pacha Le très rgretté Membre du Comité Central de la Société du Croissant-Rouge Ottoman, décédé le 18 Juillet 1922