HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 12 381 hâzır bulunup memleketimizin dûçâr olduğu felâket hakkında îrâd eylediği müessir hitâbeleriyle hâ- zırûnu ağlatmış ve derhâl açılan [270] iʻâneye herkes iştirâk ederek cemʻ olunan sekiz yüz altı Ame- rikan doları çek hâlinde Hugili Zülfü Bey vâsıtasıyla ve Ankara Hilâl-i Ahmeri nâmına cemʻiyetimize gönderilmişdir. Bu ictimâʻda Kozluklu Mustafa Efendi tarafından bir şişe lavanta, Nekregilli Zülef Efendi tarafından bir altın dolmakalem, Sarı Yakub Bey İsmail tarafından bir ipekli mendil müzâye- deye vazʻ olunmuşdur. Hilâl-i Ahmer, bu müteberriʻîn ve mütevassıtîn-i kirâma alenen takdîm-i şükrân eder. _______________ Hilâl-i Ahmer Hastabakıcı İmtihânına Daʻvet Hilâl-i Ahmer nâmına evvelce küşâd edilmiş olan derslere muntazaman devâm etmiş ve tatbîkât görmüş olup da herhangi bir sebebden dolayı şehâdetnâme almamış olanlara bi'l-imtihân isbât-ı liyâ- kat etdikleri hâlde Hilâl-i Ahmer hastabakıcı şehâdetnâmesi verilmesi ve Harb-i Umûmî esnâsında askerî ve Hilâl-i Ahmer hastahânelerinde açılan mahallî derslere devâm ve amelî tatbîkât ve hidemât- da bulunduklarına dâir vesîka ibrâz edenlerin dahi aynı sûretle imtihâna tâbiʻ tutularak bu gibilerine de Hilâl-i Ahmer hastabakıcı şehâdetnâmesi iʻtâsı takarrür etdiğinden tâlib olanların nihâyet Tem- muz'un yirmi beşinci gününe kadar Hilâl-i Ahmer Merkez-i Umûmîsi Tahrîrât Kalemi'ne mürâcaʻat ederek isimlerini kaydetdirmeleri iʻlân olunur. İmtihânın sûret-i icrâsı ve şerâiti ber-vech-i âtîdir: 1-İmtihâna girebilmek için lâ-ekal 20 yaşını ikmâl etmiş olmak. 2-İkâmetgâh varakasıyla hüsn-i hâl varakası ibrâz etmek (Mahalle heyʼeti veya polis tarafından.) 3-Nazarî derslere nerelerde devâm etmiş olduğuna dâir musaddak bir tasdîknâme ibrâz etmek ve hangi hastahânelerde hizmet etmiş ise oralardan da bir vesîka getirmek ve kendi hatt-ı destiyle bir terceme-i hâl varakası tanzîm eylemek. 4-İmtihâna mürâcaʻat edenlerin bedenen hastabakıcılık vezâifini îfâya mâniʻ bir ârızası olmadı- ğına dâir bir tabîb raporu getirmek veya komisyonca muʻâyene edilmek. 5-İmtihân nazarî ve ameli olmak üzere icrâ edilecekdir. Nazarî imtihânlar Müderris Doktor Besim Ömer Paşa tarafından tertîb edilen ve Hilâl-i Ahmer Cemʻiyeti tarafından tabʻ edilmiş olan Hastabakıcılık kitâbından yapılacakdır. Amelî imtihân da Kadırga Hastahânesi'nde icrâ edilecekdir. 6-İmtihâna kabûl edilenlerden lâ-ekal üç sene müddet ihtiyâc vukûʻunda ücret-i muʻayyene ile Hilâl-i Ahmerce çağırıldığı takdîrde îfâ-yı hizmete hâzır bulunacağına dâir taʻahhüdnâme alınacakdır. 7-Bu imtihânda şâyân-ı kabûl görülmeyenler için ikinci imtihân icrâ edilmeyecekdir. Ancak Hilâl-i Ahmerce açılan derslere devâm etmek şartıyla be-tekrâr mürâcaʻat edebileceklerdir. _______________ Hilâl-i Ahmer'i Nasıl Görüyorlar? Hilâl-i Ahmer: Zenginler ve Fakîrler Rusya'da uzun esâret mezâhimi çekdikden sonra son defa Hilâl-i Ahmer tarafından İstanbul'a getirilen esîr zâbitlerimizdenAbdullah Bey'in 9 Haziran târîhli Akşâm gazetesine derc etdirdiği makâ- leyi ber-vech-i zîr iktibâs ediyoruz: