HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 12 383 da yaşayan zenginler İstanbul zenginlerinin lâkaydîsini ortaya atdıkları zamân şimdiye kadar büyük felâketler arasında yuvarlanmış bir arkadâşımız demiş idi ki: - İstanbul'da hân, hammâm, apartman sâhibi zenginlerin kalbleri envâʻ-ı felâketler arasında yu- varlanmış bedbahtların yürekleri kadar, Hilâl-i Ahmer için elbette bizimki kadar çırpınamaz! Çünkü onlar bir gün ne yaralanacaklarını, ne esîr olacaklarını, ne muhâcerete mecbûr ve ne de fakr u sefâlete [272] giriftâr olabileceklerini aslâ düşünmezler. Binâenaleyh fâidesi ancak yaralıya, esîre, muhacire, fakîre ve sefîle müteveccih olan bir müesseseye muʻâvenetini de bittabʻ lüzûmsuz görürler". _______________ İslâm Gazeteleri ve Hilâl-i Ahmer Kıbrıs'ın Lefkoşa şehrinde çıkan Söz gazetesinin 14 Şevvâl 1340 ve 10 Haziran 1922 târîhli nüshasında gördüğümüz âtîdeki müessir mektûbu aynen iktibâs ediyoruz: "- Söz Gazetesi Müdür-i muhteremi Mehmed Remzi Efendi, Bugün (bayramın birinci günü) sabâhı karyemiz muʻallim-i muhteremi Mustafa Sıdkı Efen- di'nin teşvîk ve delâleti netîcesi olarak ahâlînin iştirâkiyle câmiʻ-i şerîfde mevlid-i şerîf kırâat olun- muş ve istiklâl-i millîmiz uğruna fedâ-yı cân eden ervâh-ı şühedâya ithâf edilmişdir. Baʻdehû mûmâi- leyh muʻallim efendi mevkiʻ-i hitâbete geçerek hükûmet-i milliyemizin hâl-i hâzırdaki mevkiʻini ve Yunanîlerin Anadolu'da icrâ edegeldikleri muhtelif mezâlim ve iʻtisâfâtı bir lisân-ı sûzişle mufassalan zikrederek bu cinâyâta merhemsâz olabilmek emeliyle Hilâl-i Ahmer Mecmûʻası 'nın yapdığı teklîf üzerine Cuma ve bayram günleri Hilâl-i Ahmer menfaʻatine yeryüzündeki bi'l-umûm müslümânların cemʻ-i iʻâneye mübâşeretleri müdâfaʻa-i istiklâl nâmına en mübrem ve mukaddes bir vazîfe-i milliye olduğunu tefhîm etmiş ve bütün dünyâ müslümânlarının iştirâkiyle bu iʻânâtın azîm bir yekûna bâliğ olabileceğinden ve bi'n-netîce ittihâd u ittifâkın menâfiʻ-i azîmesinden bahis ile ahâlîyi de bu fiʻl-i hayra iştirâke teşvîk etmişdir. Hüsn-i teʼsîri olan bu teklîfi karyemiz ahâlîsi nazar-ı iʻtibâra alarak hemen aralarında iʻâne derc etmeğe başlamış ve bu husûs için bir de sandık emîni intihâb ederek câmiʻ günlerinde ayrıca bir de iʻâne defteri küşâdına müttefikan karâr vermişlerdir. Binâenaleyh bugün cemʻ olunabilen mikdârla ileride derc olunacak iʻânâtın kâffesi her üç ayda bir Lefkoşa'da Muhâcirîn-i İslâmiye Riyâset-i Aliy- yesi'ne taraf-ı âcizânemizden teslîm edileceğini iʻlân eyler ve bu husûs için muʻteber gazetenizde birkaç satırlık yer işgâl etmemize lütfen müsâʻade buyurulması mütemennâdır, efendim. Ol bâbda. Anadyo, fî 29 Mayıs sene [1]922 Kârilerinizden Sandık Emîni Mahmud Celâleddin" _______________