HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 12 384 Makâle-i âtiye dahi Kıbrıs'da münteşir Söz refîkimizin 22 Temmuz [1]922 târîhli nüshasında intişâr eylemişdir. Aynen naklediyoruz: "-Kurbân Bayramının Birinci Günü Hilâl-i Ahmer Günüdür. İstanbul ve bilâd-ı İslâmiye'nin her tarafında iki bayramın ilk günleri Hilâl-i Ahmer günü tevsîm edilmesi tensîb edilmişdir. İşte mütekarribü'l-hulûl olan îd-i edhânın birinci günü bayram namâzı edâ olundukdan sonra her müslümân Hilâl-i Ahmer için muʻâvenetde bulunacağından biz Kıbrıs İslâmları dahi bu husûs için Lefkoşa ve kazâlarda iyi bir teşkîlât vücûda getirerek büyük ve küçük bi'l-cümle köylere teşmîl etmeğe muvaffak olur isek dînî ve millî vazîfemizi yapmış oluruz. Köylerde imâm ve heyʼet-i ihtiyâriyenin muʻâvenet ve nezâreti altında toplanacak para mensûb olduğu kazâ komisyonu sandık emînine tevdîʻ edilmeli ve bütün hâsılât tevhîd edilerek Anadolu Hilâl-i Ahmeri'ne gönderil- melidir. Bayram günü cevâmiʻ-i şerîfede vâʻiz ve nâsıh efendiler bu emr-i hayra iştirâkin ulviyet ve kudsiyetini lâzım geldiği derecede anlatacak olurlar ise her ferdin câmiʻden çıkarken yekdiğeriyle müsâbaka edercesine muʻâvenetde bulunacağına emînim. Şurasını dahi arz edeyim ki, bayramda kesilecek kurbân derilerini dahi Hilâl-i Ahmer'e hediye etmek kadar sevâb ve hayırlı bir şey mütesavver olmadığından Kıbrıs'da zebh edilecek kurbân derileri esmânını dahi ilâve edince Kıbrıs Müslümânları her dâim olduğu gibi bu defa dahi Hilâl-i Ahmer'e hissiyât-ı dîniye ve milliyeleriyle mütenâsib ve mühim mikdârda bir bayram hediyesi göndermeğe muvaffak ola [273] caklardır. Yeter ki, Lefkoşa ve kazâlar elbirliğiyle çalışıp halkımıza dünyâda olan müslümânların ve Müslümânlığın bekâ ve saʻâdeti için Allah yolunda bütün mâlını ve cânını fedâ eden Anadolu Mehmedciğinin beşikde, eşikde kalan yavrusunu koruyup büyütmek ve bir gün babası ve ecdâdı gibi Ya Vatan, Ya Ölüm! diye haykıracağına îmânımız olan o arslan yavrularına muʻâvenet etmek borcumuz olduğunu anlatsınlar! İlk bu vazîfenin matbûʻâta âid olduğuna kâniʻ bulunduğumdan vakit fevt etmeksizin irşâdâtda bulunmalarını milliyet nâmına ricâ ediyorum. İskele Müderrisi Mehmed Hulusi" _______________ Sivas'da münteşir İrâde-i Milliye gazetesi 21 Temmuz [1]338 [1922] târîhli nüshasında "Söke- lilere İmdâd" serlevhası altında ber-vech-i âtî ihbârâtda bulunmakdadır: "-Hilâl-i Ahmer muhtâc-ı vatandâşlarımıza pek büyük ve kıymetli yardımlarda bulunuyor. Söke ve Kuşadası'ndan hayâtlarını kurtarabilip dâhile ilticâ edebilen binlerce mültecîden bir kısm-ı mühimminin pek ziyâde muhtâc-ı muʻâvenet bir hâlde bulundukları haber alınması üzerine Hilâl-i Ahmer Ankara Heyʼet-i Murahhasası birinci tedbîr olmak üzere derhâl mahallî Hilâl-i Ahmer merkez ve şuʻabâtına nakd-i mevcûdlarını sarf etmek sûretiyle muʻâvenete ibtidâr etmelerini teblîğ etmiş ve Muğla merkezi bin iki yüz, Bodrum bin lira ve Milas şuʻbesi de nakd-i mevcûdunu bu işe tahsîs ve Antalya Hilâl-i Ahmer Merkezi Antalya'ya ilticâ edenlere muʻâvenete şitâb etdiği gibi Muğ-