HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 12 386 Dizanteri Hilâl-i Ahmer heyʼetleri ve müesseseleri ve seyyâr teşkîlâtı amipli veya basilli dizanteriye karşı fevkalâde bir sûretde mücâdele etdiler. _______________ Frengi Teşkîlâtımız frengi mücâdelesiyle dahi ciddiyetle iştigâl etmişlerdir. Bu hastalık İstanbul'da çoğalınca, Hilâl-i Ahmer, Tıb Fakültesi polikliniğinde kendi nâmına izâfe edilmek ve kâffe-i masâ- rıfı kendisine âid olmak üzere ayrı bir dispanser açmışdır. Frengi, neo-salvarsan ve cıva ile tedâvî edilmekdedir. Berây-ı tedâvî buraya mürâcaʻat edenler isimlerini bildirmekle mükellef değil idiler. Neo-salvarsan pek pahâlı olduğu ve bu devâyı kullanmağı bilen Hilâl-i Ahmer tabîbleri bu işde müte- hassıs oldukları için mezkûr dispansere mürâcaʻat edenlerin adedi günden güne artmış idi. Bu dispanserlerde yirmi ay içinde tedâvî edilenlerin adedi 1.357 erkek ve kadından ibâretdir. _______________ Verem Hilâl-i Ahmer doğrudan doğruya verem mücâdelesiyle iştigâl etmemiş ise de bu hastalığa karşı açılan mücâdeleye Osmanlı Verem Mücâdelesi Cemʻiyeti'ne 3.000 Osmanlı lirası vermek sûretiyle iştirâk eyledi. Osmanlı Verem Mücâdele Cemʻiyeti, bu para ile bir takım barakalar mübâyaʻa ederek Tıb Fa- kültesi'nde kurdurdu. Hastalıkları ilerleyip de âileleri için bir tehlike teşkîl eden veremliler, bu bara- kalarda tedâvî edilir idi. Belki de bu muʻâvenete telmîhen Osmanlı Verem Mücâdele Cemʻiyeti, alâmet-i fârika olmak üzere çift Hilâl-i Ahmer işâretini kabûl etdi. _______________ Hilâl-i Ahmer'in Ordu Sıhhiye Dâiresi'ne Muʻâveneti Hilâl-i Ahmer'in Ordu Sıhhiye Dâiresi'ne şimdiye kadar etdiği maʻlûm ve mezkûr muʻâvenet- lerden başka dâire-i mezkûrenin fikdân-ı tahsîsâtdan yâhûd esbâb-ı sâireden dolayı ale'l-acele tedârük edemediği [275] malzeme ve eşyâ-yı sâireyi de meccânen tedârük etmeğe şitâbân oldu. Hilâl-i Ahmer'in Ordu Sıhhiye Dâiresi'ne meccânen verdiği malzeme-i sıhhiye 200 kalemden ibâret olup kıymeti, mâliyet fiyâtı hesâbıyla 55.000 Osmanlı lirasına bâliğdir. Bu eşyâ piyasadan satın alınmış olsa idi, mâliyet fiyâtına sekiz-dokuz misli zammetmek îcâb edecek idi. Ordu Sıhhiye Dâiresi'ne verilen eşyâ meyânında yatak techîzâtı, laboratuvar levâzımı, cerrâhlık âlâtı, serum, aşı, pansuman ve seyyâr hastahâne levâzımı, sofra ve matbah takımları, muhtelif erzâk, etüv, çadır, seyyâr hastahâne arabaları, nakliye arabası, teskere, çamaşır makinesi ilh. gibi eşyâ var idi.