HİLÂL-İ AHMER MECMÛʻALARI / CİLT 1

6 Birinci Sene 12 Muharrem sene 1340 / 15 Eylül sene 1337 (1921) Numara 1 Makâlât ve İ‘lânât, Neşriyât ve Teşvîkât Komisyonu Kitâbeti'ne Gönderilmelidir. OSMANLI HİLÂL-İ AHMER MECMÛ ʻ ASI Derc Edilmeyen Evrâk ve Makâlât İ ʻ âde Edilmez. Ayda Bir Defa Neşrolunur. Senelik abonesi bir liradır. Merciʻi: Mahmudiye Câddesi'nde Hilâl-i Ahmer Merkezi. Telefon: İstanbul 1783 Osmanlı Hilâl-i Ahmer Mecmû‘ası Osmanlı Hilâl-i Ahmer Cemʻiyeti, muhterem ahâlîyi faʻâliyetinden haberdâr etmek maksadıy- la Osmanlı Hilâl-i Ahmer Mecmûʻası nâmı altında aylık bir mecmûʻa neşretmeğe karâr verdi. Bu mecmûʻa bütün Salîb-i Ahmer Cemʻiyetleri mecmûʻaları gibi Hilâl-i Ahmer'in resmî vâsıta-i neşri olacakdır. Teveccüh-i umûmîye istinâden ve teveccüh-i umûmî sâyesinde, şimdiye kadar yaşamış ve bun- dan sonra yaşayacak olan Hilâl-i Ahmer Cemʻiyeti, bu mecmûʻa ile kendisini bir kat daha tanıtdıra- cağını ve bunun netîcesi olarak daha ziyâde mazhar-ı teʼyîd ve terakkî olacağını kaviyyen ümîd eder. _______________ HİLÂL-İ AHMER HAVÂDİSİ Amerika Salîb-i Ahmer Cemʻiyeti'nin Hilâl-i Ahmer'e Muʻâveneti Geçen kış, Rusya'dan limanımıza birdenbire otuz küsûr vapur dolusu Rus muhâciri gelmiş ve İstanbul Müessesât-ı Hayriyesi imdâdlarına şitâb eylemiş idi. O sırada, Cemâhîr-i Müttefika-i Ame- rika Fevkalâde Komiseri Amiral Bristol cenâblarının refîka-i muhteremeleri Madam Bristol, Hilâl-i Ahmer Merkezi'ne mürâcaʻat ederek Rus muhâcirlerine çorba ve yemek pişirmek için büyük seyyâr matbahlara muhtâc olduğundan bahis ile, cemʻiyetimizin mâlik olduğunu işitmiş olduğu seyyâr mat- bahlar ile yemek kazganlarının kendisine bir müddet için iʻâresini ricâ etdi. Hilâl-i Ahmer, Madam Bristol'ün talebini derhâl ve maʻa'l-memnûniye isʻâf etdi. Hilâl-i Ahmer'in bu hareketinden fevkalâde memnûn kalmış olan Madam Bristol, İstanbul'daki eytâm-ı İslâmiye'ye yardım etmek arzusunu da ızhâr etdiğinden, adedini anlamak üzere Hilâl-i Ahmer Merkezi'ne mürâcaʻat etdi. Hilâl-i Ahmer'in Madam Bristol'e gönderdiği rapor, mûmâileyhâ tarafından İstanbul'da icrâ-yı faʻâliyet eden Amerika Salîb-i Ahmer Cemʻiyeti şuʻbesine gönderilmiş idi. Bu sûretle iki müessese arasında münâsebât tees- süs etmişdir. İlk temâs 22 Şubat 1921'de vukûʻ buldu. Hilâl-i Ahmer'in [2] ikinci reîs-i sânîsi Hâmid