HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 1 7 Beyefendi ile Amerika Salîb-i Ahmeri erkânı arasında cereyân eden müzâkerede Amerika Salîb-i Ahmeri'nin şark şuʻbesi reîsi Mîralây Olds, Amerika Salîb-i Ahmeri'nin Osmanlı Hilâl-i Ahmeri'ne yardım etmek arzusunu ızhâr etmekle bahtiyâr olduğunu ve bir gün belki aynı sûretle Osmanlı Hilâl-i Ahmeri'nin de Amerika Salîb-i Ahmeri'ne mukâbeleten yardım edebileceğini kemâl-i nezâket ile söy- lemişdir. Hâmid Beyefendi beyânât-ı vâkıʻadan dolayı Mîralây Olds cenâblarına teşekkür etdikden sonra Hilâl-i Ahmer'in Amerika Salîb-i Ahmeri gibi büyük hemşîre bir cemʻiyete yardım etmek id- diʻâsında bulunamayacağı yolunda cevâb verdi. Mîralây cenâbları: "-Hiçbir kimse dünyânın mukadderâtını keşfedemez. Bugün gayr-ı mümkün addolunan şey, yarın pek mümkün bir hâle gelebilir" demişdir. Birkaç gün sonra, Amerika Salîb-i Ahmeri tarafından teberruʻ edilen ilk eşyâ listeleri merkez-i umûmîmize vârid olarak eşyâ, iki gün sonra tesellüm edildi. Amerika Salîb-i Ahmeri bu kabîl yar- dımlarını beş defa tekrâr etdi. Bu cemʻiyetin merkezimize teberruʻ etmiş olduğu eşyâ ve levâzım-ı sıhhiyeye bir milyon liraya karîb bir kıymet verir isek hiç aldanmayız. Amerika Salîb-i Ahmeri'nin arzusu vechile, eşyâ-yı müteberriʻanın cihet-i sarfına dâir kendisi- ne bir rapor gönderilmiş ve bunun bir sûreti İstanbul şuʻbesi tarafından Washington Amerika Salîb-i Ahmer Cemʻiyeti'ne irsâl edilmişdir. Hilâl-i Ahmer Cemʻiyeti bu muʻâveneti alenen iʻlân ederken, Amerika Salîb-i Ahmer Merke- zi'yle İstanbul şuʻbesi erkânını teşkîl eden Mîralây Olds, Binbaşı Davis ve Binbaşı Day'e en hâr ve samîmî teşekkürâtını takdîm eder. *** Bu satırlar yazıldıkdan sonra, Amerika Salîb-i Ahmeri 22 Ağustos 1921'de Hilâl-i Ahmer'e ye- niden tahmînen 160 ton sıkletinde eşyâ teberruʻ etdi. Tekrâr takdîm-i teşekkür ederiz. _______________ Viladivostok'dan Gelen Üserâ Mâcerâsı Japonya Salîb-i Ahmer Cemʻiyeti delâletiyle Harb-i Umûmî'den Viladivostok'da kalmış olan 1.004 üserâ-yı Osmaniye Haimai-Maru nâmındaki Japon vapuru ile Dersaadet'e sevk olunmuşlar idi. Vapur Çanakkale sularına gelir gelmez, Yunan kuvâ-yı bahriyesi tarafından tevkîf ve içindekiler esîr-i harb addedilerek Midilli'ye nakledilmişlerdir. Cemʻiyetimiz, 11 Nisan 1921 târîhiyle Beynelmilel Salîb-i Ahmer Cemʻiyeti nezdinde protesto ve şikâyet ederek tavassutu taleb ve ricâ etdi. Beynelmilel Salîb-i Ahmer Cemʻiyeti, Paris Japonya Sefâreti ve Atina üserâ-yı harbiye işlerini rüʼyete meʼmûr olan Cemʻiyet-i Akvâm Murahhası Doktor Nansen nezdinde îcâb eden teşebbüsâtda bulunur iken, diğer tarafdan Hilâl-i Ahmer Merkezi dahi makâmât-ı resmiye ve ecnebiyeye mürâcaʻat ederek bu bîçârelerin tahliyesi husûslarını teʼmîne çalışdı. Japon Hükûmeti dahi Yunan Hükûmeti'ne mürâcaʻat ile üserânın serbest bırakılmasını taleb [3] etmişdir. Yunan Hükûmeti cevâben, mesʼelenin hukûk-ı beynelmilel nokta-i nazarından halledilmesi lâzım geleceğini söylemişdir. Bu muhâbere teʻâtî edilir iken, vapurda bulunan on tabîb ile bir hastabakıcı ve birkaç sivil esîr, üserâ-yı askeriye olmadıkların- dan bahis ile serbest bırakılmaları için Beynelmilel Salîb-i Ahmer Cemʻiyeti'ne bâ-istidʻâ mürâcaʻat etmişlerdir. Bu cemʻiyet, Cenevre Mukâvelenâmesi ahkâmına mugâyir olarak tevkîf edilen müstedʻî-