HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 13 416 BEYÂNNÂME Hilâl-i Ahmer halkımızı vazîfeye daʻvet ediyor ve yardım bekliyor. Yaralı kahramân gâzîlerimizin, meskenleri [3] yakılan, yıkılan binlerce vatandâşımızın ihtiyâ- câtını teʼmîn, ıztırâbâtını tehvîn eden Hilâl-i Ahmer bugün her zamândan ziyâde iʻâneye muhtâcdır. İnönü muzafferiyet-i azîmesi esnâsında şâyân-ı tebcîl âsâr-ı hamâset göstermiş olan ahâlî-i muhteremeyi bu muʻazzam kurtuluş harbinin kahramânlarına da minnet ve şükrân borçlarını edâya daʻvet eder. Cağaloğlu'ndaki umûmî veznesi müteberriʻîne her an açıkdır. Hilâl-i Ahmer Merkez-i Umûmîsi Pâyitaht-ı İslâm Tüccârlarının Mebrûr Bir Teşebbüsü Millî ordumuzun Anadolu'da nâil olduğu son büyük muzafferiyetden müteheyyic olan pâyitah- tın büyük İslâm tüccârları kahraman gâzîlerimizin elemlerini dindirmek ve ihtiyâclarını tehvîn etmek husûslarında Hilâl-i Ahmer nâmına iʻâne cemʻi için ayrıca bir komisyon teşkîl eylediler. Bu komisyon İstanbul Ticâret Odası'nda akd-i ictimâʻ ile derc-i iʻânât husûsunda ibrâz-ı faʻâliyet eylemekdedir. Bu muhterem komisyon şu zâtlardan teşekkül etmişdir: Ticâret Odası Reîsi Mustafa Şükrü Bey Cevad Bey Şahinzâde Tahsin Bey Nemlîzâde Midhat Bey Macid Karakaş Bey Halil Âli Bey Kibar[zâde] Fettan Bey Balcı İbrahim Bey El-Kâtib Abbas Bey Avundukzâde Aziz Bey Zamân Mağazası Sâhibi İbrahim Ahmed Bey. Hilâl-i Ahmer, büyük bir emr-i hayır için işini gücünü bırakarak sarf-ı vakit ve gayret eyleyen bu zevât-ı kirâma takdîm-i şükrân ve temennî-i muvaffakiyât eyler. _______________ İKİNCİ YIL Hilâl-i Ahmer Mecmûʻası intişârının ilk senesini bitirdi. İkinci sene, girerken önünde geniş,