HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 13 418 temellerini atmış olan bu büyük Türk ve müslümânların rûhu için yeryüzündeki bütün müʼmin kar- deşlerimiz en samîmî ve en muhlis bir kalb ile gufrânhâh ve fâtihahân olsunlar!... Şişli, 11 Eylül [1]338 [1922] Hilâl-i Ahmer hâdimlerinden Doktor Kilisli Rifat _______________ YUNANİSTAN'DAKİ ÜSERÂMIZIN LİSTESİ MESʼELESİ Yunanistan'daki üserâmızın listelerini elde etmek için icrâ edegeldiğimiz müteʻaddid teşeb- büsâta cevâben Yunan Salîb-i Ahmeri geçenlerde Eski Phalères, Pire, Patras ve Kandiye'deki üserâ- mızın listelerini irsâl eylemiş ve bu münâsebetle Beynelmilel Salîb-i Ahmer'e bu mesʼeleye dâir acîb olduğu kadar gülünç bir mektûb göndermişdir. Beynelmilel Salîb-i Ahmer tarafından bir sûreti cemʻi- yetimize tesyâr kılınan ve başdan aşağı safsatadan ibâret olan bu mektûba lâzım gelen cevâbı vermek- de bir dakîka gecikmedik. [5] Kârilerimizin maʻlûmudur ki, Yunan Salîb-i Ahmeri 16 Kânûn-ı Evvel 1920 ve 13 Ağustos 1921 târîhlerinde bize hiçbir kıymeti hâiz olmayan noksân iki liste göndermişdir. Biz bu listelerin bir işe yaramayacağını kendisine daha o zamânlar bildirmişdik. Bilâhare, iki sene sonra geçen Nisan ayında Yunan Salîb-i Ahmeri bize esîrlerin âile adreslerini ve mensûb oldukları kıtaʻât-ı askeriye numaralarını ihtivâ etmeyen ve yalnız bir sıra isimlerden mürekkeb Rumca yazılmış bir cedvel ir- sâl etmişdi. Yunan Salîb-i Ahmeri'nin bu mesʼelede sû-i niyet gösterdiği pek âşikâr idi. Evvelâ, biz Anadolu'daki Yunan üserâsının listelerini Salîb-i Ahmer'e Türkçe olarak göndermemişdik. Bi'l-cümle Salîb-i Ahmerler arasında resmî lisân Fransızca olduğuna göre gönderdiğimiz listeler Fransızca mu- harrer olduğu gibi îcâb eden bütün tafsîlâtı da hâvî bulunuyordu. Yunan Salîb-i Ahmeri'nin şimdiye kadar üserâ listelerini tanzîm edememiş olması farz-ı muhâl olarak kabûl edecek olsak bile, hiç ol- mazsa bizim listelerimizi numûne ittihâz etmesi lâzım gelmez mi idi? Yunan Salîb-i Ahmeri'nin gön- der[di]ği listeler muhteviyâtından istifâde etmek adîmü'l-imkân olduğu cihetle geldiği gibi mevridine iʻâde etdik ve o esnâda Dersaadet'e gelen Beynelmilel Salîb-i Ahmer Kâtib-i Umûmîsi Mösyö Sch- lemmer'e vazʻiyeti dûr u dırâz îzâh ederek Yunanlıların üserâmıza âid listeleri göndermemesi yüzün- den binlerce âileleri mâtem içinde bırakmakda oldukları husûsuna nazar-ı dikkatini celb eyledik. İşte bu ümniyenin tahakkuku içindir ki, bilhâssa tabʻ etdirdiğimiz cedvellerin berây-ı imlâ Yunan Salîb-i Ahmeri'ne tevdîʻ edilmesini mûmâileyh Mösyö Schlemmer'den ricâ ederken listelerimizin ihzâr ve tahrîri vazîfesinin bizzât esîr zâbitânımız tarafından dahi derʻuhde edilebileceğini ve bu sûretle her garnizonun kendi listesini az bir zamânda tertîb edip mezkûr Salîb-i Ahmer vedâʻatıyla gönderebile- ceğini ilâveten dermeyân eyledik. Bilâhare haber aldık ki, Mösyö Schlemmer bu listeleri Yunan Salîb-i Ahmeri'ne tevdîʻ etmiş ve bu vazîfe arzumuz vechile esîr zâbitânımıza tevdîʻ kılınmış. Yine aradan birkaç ay geçdiği hâlde Yunan Salîb-i Ahmeri'nden bu bâbda hiçbir cevâb alınama- ması üzerine Müdâfaʻa-i Milliye Vekâlet-i Celîlesi'nin emir ve işʻârına ittibâʻan Yunanistan'daki asker