HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 13 420 Biz Mösyö Zarifi'ye ve Dersaadet'deki Yunan Komiserliği'ne Anadolu'daki Yunan üserâsının tekmîl listesini tevdîʻ etdik. Buna mukâbil Yunanistan'daki Türk esîrlerinin listelerini bekliyoruz. Siz- den aldığımız son listede altı aylık noksân vardır. Ankara Hükûmeti, Türk üserâsı listelerinin istihsâli husûsundaki talebini her hafta teʼkîd etmekdedir. Lütfen ve serîʻan cevâb veriniz. Hilâl-i Ahmer" 31 Kânûn-ı Evvel'de Yunan Salîb-i Ahmeri'ne yazdığımız bir mektûbda ise kendisinden ancak iki [7] liste aldığımızı ve 16 Kânûn-ı Evvel 1920 ve 13 Ağustos 1921 târîhlerinde tanzîm edilmiş olup yalnız mahdûd bir mikdâr üserâ esâmîsini ihtivâ eden bu listelerin hiçbir işe yaramadığını, çünkü alâkadârânı oğul, zevc ve pederlerinin esâretinden haberdâr edebilecek vâzıh maʻlûmâtı ihtivâ etme- diğini ve aynı zamânda esâmî hizâlarında fırka, alây, tabur numaraları bulunmadığını ve binâenaleyh bu listelerin hiçbir sûretle istifâdeye sâlih olmadığını bildirmişdik. "-Aradan dört ay daha mürûr etdiği hâlde Yunan Salîb-i Ahmeri'nin mürâcaʻât ve taleblerimize bir netîce verememesi dolayısıyla komitenize 1 Nisan târîhli telgrafımız ile ve onu müteʻâkib 2 Nisan târîhli mektûbumuz ile mürâcaʻatda bulunduk. Sonra, Mösyö Schlemmer Nisan ayında bizi görmeğe gelmiş. Mayıs ibtidâlarında da berây-ı imlâ Yunan Salîb-i Ahmeri'ne teslîm edilmesini ricâ etdiğimiz boş listeleri hâmilen Atina'ya azîmet etmişdir. Yunan Salîb-i Ahmeri ancak bu târîhden yani sene-i hâliye Mayıs'ından iʻtibâren üserâmızın listeleri ile meşgûl olmuş ve Mösyö Schlemmer'in taʻrîfâtı vechile bu vazîfe Türk zâbitlerinin uhde- lerine tevdîʻ edilmişdir. İki seneyi mütecâviz bir zamândan beri binlerce Türk âilesi kendilerinden hiçbir haber alama- dıkları akrabâ ve taʻallukâtları hakkında bazı maʻlûmât elde etmek için bize bîhûde yere mürâcaʻat edip duruyorlar. Kendilerine cevâb verebilmek için elimizde müfîd ve kâfi bir liste mevcûd değildir. Bu hâl şu cihetden de gayr-ı câizdir ki, Yunan meʼmûrları Anadolu'daki Yunan üserâsına mü- teʻallik olup mükemmeliyeti Mösyö Schlemmer tarafından da tasdîk edilen ( Beynelmilel Salîb-i Ah- mer Mecmûʻası 'nın 15 Haziran [1]922 târîh ve 606 numaralı nüshasının … sahîfesine mürâcaʻat) listelerden çokdan beri müstefîd olmakdadırlar. Beynelmilel Salîb-i Ahmer'in bu vazʻiyete bir nihâyet verdirmek için Yunan Salîb-i Ahmeri nezdinde icrâ-yı teşebbüsât edeceğini ümîd ederiz. İhtirâmât-ı fâikamızın kabûlü mercûdur. Hilâl-i Ahmer Kâtib-i Umûmîsi Doktor Hikmet" MÖSYÖ SCHATZMANN'IN RAPORU Yunanistan'daki üserâmızın ahvâlini teftîş etmek üzere Beynelmilel Salîb-i Ahmer Komitesi tarafından geçen Kânûn-ı Evvel nihâyetlerinde Yunanistan'a iʻzâm kılınan Mösyö Schatzmann, vazî- fe-i mevdûʻasını îfâ ederek 24 Şubat'da Cenevre'ye avdet etmiş ve bu bâbda tanzîm eylediği raporu Beynelmilel Salîb-i Ahmer'e vermişdir.