HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 13 421 Bir nüshası da cemʻiyetimize irsâl ve teblîğ edilen bu raporun tedkîki bizde Yunanistan'daki üserâmızın vazʻiyet-i elîmesi hakkında daha kavî bir kanâʻat tevlîd etdi. Mezkûr rapordan istihrâc etdiğimiz bir hulâsayı geçen Nisan ayında Dersaadet'e vürûd eden Beynelmilel Salîb-i Ahmer Cemʻi- yeti Kâtib-i Umûmîsi Mösyö Schlemmer'e tevdîʻ etdik. Mûmâileyh esâsen Asinara'daki üserâmızı tahlîs için Yunan Hükûmeti nezdinde teşebbüsâta meʼmûr olması dolayısıyla Atina'ya da azîmet ede- cek idi. Bu münâsebetle mûmâileyhden Yunanistan'daki üserâmızın terfîh-i hâlleri ve bilhâssa maʻlûl ve müsin kimseler ile kadınların ve çocukların bir an evvel serbest bırakılmaları husûsunda gerek Hükûmet-i Yunaniye ve gerek Yunan Salîb-i Ahmeri nezdinde ciddî bir sûretde iʻmâl-i nüfûz eyleme- sini ricâ etmişdik. Bilâhare Yunanistan'daki üserâmızın maʻrûz kaldığı tahammül-fersâ muʻâmeleyi enzâr-ı âm- meye vazʻ etmek [8] emeliyle Mösyö Schlemmer'e tevdîʻ etdiğimiz bu hulâsayı 10 numaralı mec- mûʻamızın Fransızca kısmında aynen neşretdik. Bu hulâsanın mecmûʻamızda intişârı Yunan Salîb-i Ahmeri'ni oldukça müşkil bir vazʻiyete ilkâ etmiş olacak ki, işi mugâlataya getirerek Beynelmilel Salîb-i Ahmer Komitesi'ne gönderdiği uzun bir mektûb ile bu hareketimizi protesto etmişdir. Bir sû- reti aynen cemʻiyetimize dahi tevdîʻ edilen bu mektûbda Yunan Salîb-i Ahmeri Mösyö Schatzmann'ın raporunu "tagayyür ve tahrîf" etdiğimizi iddiʻâya kadar cürʼet etmekdedir. Fransızca kısm-ı mahsûsumuzda münderic cevâbnâmemizde Yunan Salîb-i Ahmeri'nin bu zehâbını dûr u dırâz ve mâdde be-mâdde reddederek üserâmızın maʻrûz kaldığı gayr-ı insânî muʻâ- meleyi bir kere daha teşrîh etdik. Netîcede de Mösyö Schatzmann'ın raporunu bu nüshadan iʻtibâren mecmûʻamızda aynen neşre karâr verdiğimizi ve bu sûretle Yunanistan'da mevkûf bulunan birçoğu kadınlardan ve çocuklardan mürekkeb bîçâre esîrlerimize karşı tatbîk edilegelen sû-i muʻâmeleden dolayı şikâyete ne kadar haklı olduğumuzu enzâr-ı âmmeye vazʻ edeceğimizi ilâveten bast u temhîd eyledik. *** Yunanistan'daki bîçâre üserâmızın vazʻiyet-i elîmesini tasvîr eden âtîdeki mektûbu da ayrıca neşrediyoruz. Bu mektûbun sûret-i mütercemesi Beynelmilel Salîb-i Ahmer'in Dersaadet murahhası Mösyö Burnier vâsıtasıyla Mösyö Schlemmer'e tevdîʻ edilmiş ve Yunanistan'daki esîrlerimize tatbîk edilegelmekde olan işkencelere serîʻan nihâyet verilmesi husûsunda bezl-i muzâheret eylemesi ricâ edilmişdir: "-Hilâl-i Ahmer Riyâset-i Aliyyesi'ne arz-ı âcizîdir, On üç mâhdır Yunanistan'ın Liossa Üserâ Garnizonu'nda sivil esîr olarak bulunuyorum. Bizlere yapılmadık zulüm, işkence kalmadı. Müteʻaddid şikâyetnâmeler, feryâdlar üzerine altı mâhdan beri darb mesʼelesi mehmâ-emken kalkmış idi. Lloyd George'un maʻhûd nutku eseri midir, nedir, bun- lara yine cürʼet geldi. İşte beyefendi, bir haftadan beri darb ve işkenceden yevmiye iki-üç kişi vefât ediyor. Daha görmediğimiz ötede beride darb ve işkenceden vefât edenlerin hadd ü hesâbı yokdur. Vefât edenlerin esâmîsi bizce mazbûtdur. Ne çâre, bu mektûbum da ihtimâl ki, yedinize vusûl bulmaz. Fakat ilk fırsatda sizi haberdâr etmek vecîbe-i zimmetdir. Zahr-ı arîzamda isimleri muharrer dîndâşla- rımız dahi şehr-i Ağustos'un onuncu Perşembe günü Liossa Garnizonu'nda Binbaşı Lazaros ve Küçük Zâbit Glakto Maharos taraflarından maʻiyetlerinde yirmi Yunan askeri oldukları hâlde ocak odunları ve kasaturalar ile fenâ hâlde darb edilerek kafâ ve gözlerinin parça parça edildiklerini ve el-yevm hastahânede taht-ı tedâvîde bulunmakda olduklarını iʻtibâr ediyorum. Her hâlde bunlardan birkaç