HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 13 422 kişinin vefât edeceği muhakkakdır. Vefât edenleri dahi ayrıca bildirmeğe çalışacağımı vaʻd ederim. Fazla bir şey yazamayacağım. Yalnız burada hayâtımız taht-ı tehlikededir ve cânımızdan katʻ-ı ümîd etdik. Hiç olmazsa siz de, bizde bulunan Yunan üserâsına bu yolda muʻâmele yapınız ki, ahz-ı sâr edilmiş olsun ve evlâd ü iyâlimiz size duʻâcı olsunlar. Bu yazdıklarımı ricâ ederim ihmâl buyurmayı- nız. Allah aşkına, siz de Yunan'ın üserâsına bizlere yapılan muʻâmelenin aynını tatbîk ediniz! Yemek, ekmek vesâireden vazgeçdik; yalnız darb mesʼelesi… Bizler hamdolsun beş-on paramız [9] olduğu için kendimizi besleyebilmekdeyiz. İşte beyim mektûbuma hâtime veriyorum. Yunan üserâsından siz de bizim intikâmımızı alınız. Hürmetle elinizi sıkarım beyim efendim. Madrûblar: [İsim] Numara Ahmed oğlu Ali 11520 İbrahim Osman 11527 Bekir oğlu Halil 11518 Mustafa Ali 11526 Mehmed Hasan Hüseyin 11521 Feyzullah Halil 11535 Mehmed Ahmed 11519 Bunların kabâhatleri Izgara nâm bahriye tersânesinde yol inşââtında çalışmakdalar iken bahriye efrâdının kendilerini ölüm ile tehdîd ve üzerlerine silâh endâht etmeleri üzerine başka daha zor işde çalışmak üzere karargâha ilticâ etmelerinden ibâretdir. Fî 12 Ağustos sene [1]338 [1922] Atina Liossa Üserâ Garnizonu'nda sivil üserâdan" *** Müdâfaʻa-i Milliye Vekâlet-i Celîlesi'nden aldığımız âtîdeki telgraf Fransızcaya terceme edil- miş ve Yunan Hükûmeti ile Yunan Salîb-i Ahmeri nezdinde teşebbüsâtda bulunulmak ricâsıyla Mös- yö Schlemmer'e tevdîʻ edilmişdir. "Ankara, 3 Ağustos 1338 [1922] Doktor Schatzmann'ın raporunda görülen husûsât-ı âtiyeyi nazar-ı dikkat-i âlîlerine vazʻ ile Yunanistan'daki üserâmızın hukûk-ı beynelmilel kavâʻâdine ve asr-ı hâzır medeniyeti[ni]n îcâbâtına göre muʻâmeleye mazhariyetlerinin teʼmînine delâlet-i aliyyelerini ricâ ederim, efendim. 1-Eski Phalères, Larissa, Kato-Liossa, Suda kamplarının bulunduğu mevkiʻin merzagî, Leuca- de, Hanya, Pınarbaşı, İzmir'de Küçük Karaburun'daki kamplarının da iskâna gayr-ı sâlih olmasından mezkûr kamplardaki üserâmızın îcâbât-ı sıhhiyenin istilzâm etdiği mevâkiʻe nakilleri.