HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 13 427 büyük bir muvaffakiyetle istifâde edilmiş olan "Ziyâretçi Hastabakıcılık" teʼsîsâtı da vardır. Bu son teşkîlât bilhâssa Fransa'da pek ziyâde mazhar-ı takdîr oldu. Ziyâretçi Hastabakıcı teşkîlâtından mak- sad muʻallim hastabakıcılar delâlet ve vâsıtası ile fukarâ-yı ahâlîye vesâyâ-yı sıhhiyede bulunmakdır. Bu hastabakıcılar semt semt mahalleleri dolaşarak evlere girerler ve oralarda gördükleri hıfz-ı sıhhate mugâyir hâllere ev sâhiblerinin nazar-ı dikkatlerini celb ederler. Bu meyânda evlerdeki hastalara nasıl bakılacağını, vâlidelerin çocuklarına nasıl bakıp süt vereceklerini de öğrenir ve emzikdeki çocuklara verilecek sütün ne sûretle taʻkîm ve muhâfaza edileceğini bilfiʻl gösterirler. AhîrenAmerika Salîb-i Ahmeri tarafından şehrimizde dahi Ziyâretçi Hastabakıcılık teşkîlâtı vü- cûda getirilmesi için Hilâl-i Ahmer'e mürâcaʻat edilmişdir. Bu husûsu müzâkere etmek üzere Hilâl-i Ahmer Hanımlar Merkezi'nden Kâtibe-i Umûmî Nezihe Hanımefendi ile aʻzâdan Safiye Hüseyin Hanımefendi'den ve merkez-i umûmî aʻzâsından Müderris Doktor Besim Ömer ve Ziya Nuri Paşalar ile Müderris Neşet Ömer Bey'den mürekkeb bir komisyon teşkîl olundu. Bu komisyon Ziyâretçi Has- tabakıcılık teşkîlâtını vücûda getirecek Amerika Salîb-i Ahmer Heyʼeti ile birkaç defa temâs ederek bu bâbda bazı esâsları taʻyîn ve tesbît eyledi. Halledilmesi îcâb eden diğer birkaç nokta hakkında da teʻâtî-i efkâra devâm edilmekdedir. _______________ Tashih.- 12 numaralı mecmûʻamızda vefâtı dolayısıyla ızhâr-ı teessür eylediğimiz erkân-ı harbiye mî- ralâylarından ve Hilâl-i Ahmer Merkez-i Umûmîsi aʻzâsından merhûm Nazif Paşa'nın fotoğrafı zîrine bir sehv-i tertîb olarak "doktor" kelimesi ilâve kılınmış olmağla tashîh-i keyfiyet olunur. [Düzeltildi.] _______________ Ceyhan'da Kurbân Derileri Ceyhan kasabası ahâlîsi bu seneki kurbân derilerini Ceyhan Hilâl-i Ahmeri'ne teberruʻ eyledi. Bu deriler bi'l-müzâyede [14] satılmış ve bedeli yedi yüz liraya bâliğ olmuşdur. Ceyhanlıların şu gay- ret-i hamiyet-perverîlerine karşı beyân-ı takdîrât eyleriz. _______________ Hilâl-i Ahmer'e Hâricden Gelen Muʻâvenetler Bulgaristan'da Peştere kasabası ahâlî-i hamiyet-mendânı tarafından cemâʻat-i İslâmiye Reîsi Ragıb Efendi delâletiyle mecrûh gâzîlerimizin tehvîn-i ihtiyâcâtı için yüz on üç lira gönderildi. Mu- kaddes Anadolu gazâsının kahramân yaralılarına muʻâvenet için uzak yakın bütün İslâm diyârlarının tevâlî eden himemât-ı meşhûdesi cidden sezâvâr-ı şükrândır.