HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 1 9 755 kişi alarak 5 Ağustos'da İstanbul'a avdet etdi. Tekfurdağı'ndaki Yahudi muhâcirleri gelmek iste- mişlerse de oranın Yunan Kumandanlığı tarafından mümânaʻat olunmuşdur. __________ Doktor Hikmet Bey'in Azîmeti Hilâl-i Ahmer Kâtib-i Umûmîsi Doktor Hikmet Beyefendi cemʻiyetimize âid umûr ve muʻâ- melâtı teftîş etmek üzere Kurbân Bayram'ının birinci günü Ankara'ya azîmet etmişdir. Samanlıdağ Şibh-i Cezîresine Gönderilen Hilâl-i Ahmer Heyʼeti Samanlıdağ şibh-i cezîresi ahâlîsinin maʻrûz kaldığı Yunan fecâyiʻinden sonra sefîl ve perîşân kalanların adedi birkaç bin kişiye bâliğ olmuşdur. Bîçârelere karşı lâkayd kalamayan Hilâl-i Ahmer, Yunan kıtaʻâtı oradan tard edilir edilmez, oraya bir imdâd heyʼeti göndermeğe karâr verdi. Hilâl-i Ahmer Cemʻiyeti meʼmûrlarından Mehmed Emin Şumiç Efendi'nin riyâseti altında İzmit, Değirmen- dere ve havâlîsi, Karamürsel, Kapaklı ve havâlîsinde seyyâr bir sûretde icrâ-yı faʻâliyet eden Hilâl-i Ahmer Heyʼeti nevâkısını bi'l-ikmâl tekrâr azîmet etmek üzere şehrimize geldi. Bu heyʼet, Hilâl-i Ahmer'in gönderdiği 14 sandık elbise ve 3 sandık eczâ ile cemʻiyetimizin teşebbüsü üzerine Amerika Şark-ı Karîb Muʻâvenet Heyʼeti tarafından alınan 200 çuval fasulye ve 98 çuval un tevzîʻ etmiş ve pek çok hasta ve zuʻafâyı, o havâlîdeki Hilâl-i Ahmer Dispanseri'nde tedâvî etdirmişdir. __________ Davudpaşa Aşhânesi Samanlıdağ şibh-i cezîresi muhâcirleri İstanbul'a gelmeğe başladıkları günden iʻtibâren Hilâl-i Ahmer, bu zavallıların iʻâşelerini düşünerek Davudpaşa'da bir aşhâne açdı. Bu aşhânede günde 2.800 kişiye yemek veriliyor. [5] İzmit İçin Çiçek Aşısı Hilâl-i Ahmer Cemʻiyeti, İzmit ve havâlîsi muhtâcîni için 5.000 tüp çiçek aşısı gönderdi. Merkez-i Umûmînin Ağustos Ayı Zarfında Başlıca Mukarrerâtı Geçen ayda Hilâl-i Ahmer Merkez-i Umûmîsi'nin ittihâz etmiş olduğu başlıca mukarrerât ber-vech-i zîrdir: 1-Hilâl-i Ahmer'in iʻâşelerini derʻuhde etdiği Davudpaşa'daki muhâcirînin kemâkân iʻâşelerine devâm edilmesiyle berâber çocuklara süt ve lohusalara kundak tevzîʻ olunması, 2-Merkez-i Umûmînin her inʻikâdında kendisine iki celse arasında cereyân eden başlıca muhâberât ve vukûʻât ve icrâât hakkında maʻlûmât verilmesi, 3-Marmara sevâhilindeki felâketzedelerin tahkîk-i ahvâli ile muʻâvenet-i lâzımenin ibzâli için Merkez-i Umûmî karârı ile gönderilen heyʼet riyâsetinden mevrûd raporların Merkez-i Umûmîde kırâatı,