HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 1 10 4-Anadolu'da teşekkül eden merâkiz ve şuʻabâta dâir maʻlûmât iʻtâsı, 5-İstanbul'da mevcûd olup Hilâl-i Ahmer tarafından bakılan muhâcirînin aded ve ahvâli hak- kında teftîşât ve tedkîkât icrâsı, 6-Muhâcirîne mahsûs küşâd olunan aşhânelerin faʻâliyetine ve masârıfına dâir, karâr vechile Merkez-i Umûmîye maʻlûmât verilmesi, 7-Hilâl-i Ahmer anbârında mevcûd malzeme-i sıhhiye ile âlât ve edevât-ı tıbbiyenin fen komis- yonu aʻzâsı tarafından tedkîki ile Merkez-i Umûmîye bu bâbda maʻlûmât iʻtâsı. Hindistan'dan Muʻâvenet Hindistan ahâlî-i İslâmiyesi, Hilâl-i Ahmer'in teessüsünden yani Trablusgarb Harbi'nden beri ve bâ-husûs Balkan Harbi esnâsında cemʻiyetimize kıymetli muʻâvenetlerde bulunmakdan geri kalma- dı. Bu defa Mütâreke'den bi'l-istifâde Hindistan ahâlîsi, yine Osmanlı Hilâl-i Ahmeri'ni hatırlayarak iʻâne göndermeğe başladı. Şimdiye kadar Hindistan'dan cemʻiyetimize vârid olan iʻânâtın mikdârı ber-vech-i zîrdir: Sadrıaʻzam ve Hilâl-i Ahmer Cemʻiyeti Reîs-i Evveli Tevfik Paşa hazretleri vâsıtasıyla 20 Ni- san 1921'de 1.000 İngiliz lirası Hindistan Hilâfet Komitesi reîs-i muhteremi tarafından: 11 Temmuz 1921'de 500 İngiliz lirası 21 Temmuz 1921'de 1.000 İngiliz lirası Londra'da sâkin Hind meşâhîrinden Emir Ali hazretleri tarafından: 12 Temmuz 1921'de 2.000 İngiliz lirası 25 Temmuz 1921'de 2.000 İngiliz lirası 30 Temmuz 1921'de 1.000 İngiliz lirası 8 Ağustos 1921'de 2.000 İngiliz lirası. Emir Ali hazretlerinin göndermek lütfunda bulundukları bu yedi bin İngiliz lirası, Haydarabad-ı Nizamî hazretleri tarafından teberruʻ edilmişdir. Hilâl-i Ahmer bütün bu müteberriʻîn ve mütevas- sıtîn-i kirâma karşı lâ-yezâl bir hiss-i şükrân ve minnetdârî perverde eder. [6] SALÎB-İ AHMER HAVÂDİSİ Amerika Numûne-i İmtisâl Olacak Bir Salîb-i Ahmer Cemʻiyeti Ahâlîmizin Nazar-ı Dikkatine! Salîb-i Ahmerler meyânında en ziyâde terakkî ve temeyyüz edenlerden biri hiç şübhe yok ki, Cemâhîr-i Müttefika-i Amerika Salîb-i Ahmeri'dir. Bu cemʻiyetin terakkiyâtını söz ile değil, erkâm ile göstereceğiz. Harb-i Umûmî'den evvel, Cemâhîr-i Müttefika-i Amerika Salîb-i Ahmeri ehemmiyetsiz iken, harb esnâsında ve harbden sonra Amerika milletinin yardımıyla diğer hemşîre cemʻiyetler meyânında büyük bir şöhret kazanmışdır.