HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 1 11 Bu cemʻiyetin 22 milyon erkek ve kadın ve 8 milyon mekteb talebesi aʻzâsı ve 3.863 cemʻiyet ve 1.600 şuʻbesi vardır. Harb devâm etdiği müddetçe 30.000 hastabakıcı kadın istihdâm eylemiş, ordu ve donanma efrâdına mahsûs olmak üzere 250 milyon kıymetinde ilâc, 10 milyon kıymetinde hastahâne elbisesi, 10 milyon kıymetinde eşyâ-yı muhtelife, muhâcirîne mahsûs 1 milyon elbise te- dârük ve iʻtâ, gönüllü amele kadın sıfatıyla 5 milyon vâlide, zevce ve hemşîreyi seferber hâline vazʻ, 1 milyondan fazla berrî ve bahrî neferâtın dul kadınlarıyla vâlidelerine yardım etmişdir. Bundan başka, Cemâhîr-i Müttefika-i Amerika Salîb-i Ahmeri cebhe-i harbde bulunanların ah- vâl-i sıhhiyeleri hakkında ayda vasatî olarak 95.000 mürâcaʻat kayıd, yurdsuz kalmış 300.000 çocuk iʻâşe ve tedâvî, kendisine tâbiʻ 63 nekâhethâneye mecrûh asker sevk, cebhe-i harbde hastabakıcılara mahsûs 42 hâne ve veremlilere mahsûs yalnız Fransa'da 69 istasyon ihzâr, Fransa cebhesinde bulunan on binlerce Amerikalıyı, seyyâr kantinler (bakkâl dükkânı) ile tağdiye, zuʻâfâ-yı askeriyeye mahsûs yataklı, hammâmlı istirâhat istasyonları ve Fransa'nın başlıca şimendifer istasyonlarında kantinler tertîb ü ihzâr, Avrupa'da istîlâya maʻrûz kalmış milyonlarca muhâciri ziyâret ve onlara muʻâvenet, gâib yâhûd bir mahalden diğer mahalle kaldırılmış âilelerden siperlerde muhârebe eden askerlere haber îsâl, binlerce asker makâbiri tesbît, kayıd ve fotoğraflarını ahz, Alman üserâ garnizonlarında mevkûf Amerikan ve müʼtelif askerlerine takayyüdât-ı lâzıme îfâ ve maʻlûlîni taʻlîm ve hayâtlarını kazandırmak çârelerine tevessül husûslarında hükûmete yardım etmişdir. Cemâhîr-i Müttefika-i Amerika'nın Salîb-i Ahmer Cemʻiyeti, faʻâliyetinden bâhis haftalık bir mecmûʻa neşreder. Bu kere dâire-i faʻâliyetini tevsîʻ ve bâ-husûs memâlik-i ecnebiyeyi cemʻiye- tin ahvâlinden haberdâr etmek maksadıyla, Amerika'dan gayrı olan memleketlerin ahâlîsine mahsûs olmak üzere ayrıca bir mecmûʻa daha neşretmeğe başlamışdır. Bu işin ehemmiyetini anlamak için Salîb-i Ahmer'in ihdâs etdiği teşkîlât-ı cedîdeyi nazar-ı iʻtibâra almak kâfidir. Yeni teşkîlât âtîdeki meʼmûrlar vâsıtasıyla idâre edilecekdir: Müdür, müdür muʻâvini, teşkîlât müdürü, sivil iʻâne müdürü, askerî iʻâne müdürü, neşriyât müdürü, hastabakıcı dâiresi müdürü, Salîb-i Ahmer propaganda müdürü, çocuklar arasında propaganda taʻmîmi müdürü, muhâsebe müdürü, kuv- ve-i icrâiye müdürü, bu müdürlerin maʻiyetlerinde birer de kalemleri vardır. [7] 1919-1920 senesinde Amerika Salîb-i Ahmeri 57.000.000 dolar sarf etmişdir. Geçen senede İstanbul'da doların 110 kuruşa kadar çıkmış olmasına bakılır ise, bu cemʻiyetin müddet-i mezkûre zarfında 62.700.000 Osmanlı lirası sarf etmiş olduğu hayretle görülür. İngiltere İngiliz Salîb-i Ahmer Cemʻiyeti, yeni esâslar üzerine teessüs ederek zirâʻat işleriyle de ayrıca iştigâle başlamış ve harbden terhîs edilenler menfaʻatine 25.000 İngiliz lirası tahsîs etmişdir. Lond- ra'da Gençlik Salîb-i Ahmer Cemʻiyeti nâmıyla da bir cemʻiyet teʼsîs olunmakdadır. Almanya Yakın zamâna kadar Almanya İmparatorluğu'nun muhtelif krallıkları, büyük dükalıkları ve prensliklerinin müstakil Salîb-i Ahmer Cemʻiyetleri var idi. Berlin'deki Salîb-i Ahmer, Alman Mütte- hid Salîb-i Ahmerler Merkez Komitesi nâmıyla maʻrûf idi. Sene-i hâliye Ma[yı]s'ının on beşinde Bamberg'de akd-i ictimâʻ eden bütün Alman Salîb-i Ah- mer murahhasları, mevcûd müessesâtın yerine, Almanya'da Alman Salîb-i Ahmer Cemʻiyeti nâmıyla