HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 1 12 müşterek bir cemʻiyet ikâme etmeğe karâr vermişlerdir. Yeni cemʻiyet, reîsi, Salîb-i Ahmer Kadınlar Vatan Cemʻiyeti reîse-i ûlâsı, Bavyera Salîb-i Ahmer murahhasları ve Alman Dâimî Komitesi tara- fından idâre edilecekdir. Alman Salîb-i Ahmer Cemʻiyeti'nin sâha-i faʻâliyeti, zamânın ihtiyâcâtı[n]a göre mütenevviʻ olup prensibleri ile furûk-ı şahsiyeye bakılmaksızın kapılarını mütehassıslara açmak ve dîn ve siyâset farklarını tanımamak olacağı, Hilâl-i Ahmer'e vârid bir taʻmîmin muhteviyâtından anlaşılmışdır. Venezuela Venezuela Salîb-i Ahmer Cemʻiyeti'nin Meclis-i Âlisiyle Kadınlar Salîb-i Ahmer Merkezi in- tihâbâtı geçen 30 Mayıs'da icrâ kılınarak Meclis-i Âlî riyâsetine Doktor David Ricardo ve riyâset-i sâniyesine Doktor Louis Razeti ile Doktor Elyas Rodriges ve Kadınlar Salîb-i Ahmer riyâset-i sâni- yesine Madam Natividad de Muskera ile Madam Mercedes de Çasin taʻyîn olunmuşlardır. Mösyö Maurice Gehri'nin Raporu Yunanîlerin Samanlıdağ mıntıkasında icrâ etdikleri mezâlim ve fecâyiʻin tezâyüd etdiğini müşâ- hede eden ve İstanbul'a ilticâ etmeğe muvaffak olan havâlî-i mezkûre ahâlîsinden bazıları Hilâl-i Ah- mer'e mürâcaʻat ile tavassutunu taleb etdiler. Cemʻiyetimiz, bilâ-ifâte-i zamân şehrimizin makâmât-ı muhtelifesine mürâcaʻat ederek beynelmilel bir Tahkîkât Komisyonunun iʻzâmına muvaffak oldu. Bu muvaffakiyetini istihsâl etdikden sonra Hilâl-i Ahmer, o zamân İstanbul'da Rus muhâcirlerinin vazʻiyetini tedkîke meʼmûr edilen Beynelmilel Salîb-i Ahmer Murahhası General Thomson maʻrife- tiyle Cenevre Beynelmilel Salîb-i Ahmeri'ne mürâcaʻat ederek Beynelmilel Tahkîkât Komisyonu'yla berâber Salîb-i Ahmer'den bir murahhas iʻzâmını ricâ etdi. Ricâ-yı vâkiʻ kabûl ve o zamân İstanbul'da bulunan Mösyö Maurice Gehri murahhas sıfatıyla heyʼete terfîk edildi. Mûmâileyh İngiliz murahhası General Franks, Fransız Mîralâyı Vicq ve İtalyan Mîralâyı Rolletto'dan mürekkeb tahkikât heyʼetiyle berâber 12 Mayıs 1337'de İstanbul'dan hareket ve 23 Mayıs'da avdet etmişdir. Mösyö Gehri'nin Beynelmilel Salîb-i Ahmer Cemʻiyeti Mecmûʻası 'nın 15 Temmuz 1921 târîhli ve 31 numaralı nüshasında yazmış olduğu seyâhat ihtisâsâtının âtîdeki kısımlarını terceme ve iktibâs ediyoruz: "-Tahkîkât-ı bî-tarafâne icrâ ve hakîkati meydâna çıkarmak için Yunanîler, Ermeniler ve Türk- ler tarafından vukuʻ bulan şehâdetler istimâʻ edilmişdir. [8] Heyʼet, Yunan işgâl-i askerîsi anâsırının, iki aydan beri Samanlıdağ şibh-i cezîresi ahâlî-i müslimesini imhâ etmek gâyesini taʻkîb etdiklerine kanâʻat getirmişdir. Köy ihrâkı, kıtâller, ahâlîyi tedhîş gibi vekâyiʻ bu bâbda hiçbir şübhe eseri bırakmaz. Gördüğümüz vekâyiʻ yâhûd izleri gayr-ı muntazam sivil çeteler ile Yunan muntazam ordusu efrâdının eseri idi. Bu fecâyiʻin askerî kumandan- lığı tarafından menʻ yâhûd mütecâsirlerinin tecziye edildiğine muttaliʻ değiliz. Çeteler, silâhlarından tecrîd edileceği yâhûd dağıdılacağı yerde, kendilerine Yunan ordusunun muntazam efrâdı tarafından yardım ediliyordu. Tahkîkât icrâ edildiği sırada Samanlıdağ şibh-i cezîresi Yunan cebhesinin beri tarafında kaldığı için Yunan işgâlinden beri harb sahnesi olmamış idi. Vukûʻunu öğrendiğimiz vekâyiʻ, Mart nihâyetin- den Mayıs'ın nısf-ı evveline kadar irtikâb edilmişdir. Bu fecâyiʻ Yunan ordusunun Eskişehir önünde uğradığı inhizâmın bir netîcesi olsa gerekdir.