HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 1 21 Ertesi günü, Gemlik Yunan Fırka Kumandanı General Leonardopulos'dan bir gün evvel ken- disine gönderilen telgrafnâmenin cevâbı geldi. Gelen cevâb maʻatteessüf ilk taʻlîmâta nisbetle biraz daha tahdîd edici bir mâhiyetde idi. Kumandan Ka[ya]cık, Yortan, Kirazlı köylerinin yanmadığını iddiʻâ ederek bu köyleri terk edip Yalova, Samanlı ve Akköy'e ilticâ edenleri veremeyeceğini ve bunların erkeklerinin Kuvâ-yı Milliye tarafına iltihâk etdiklerini iddiʻâ ediyor idi. Yüzbaşı Lukas'ın Yalova kumandanıyla iki sâʻatden fazla süren münâkaşası bu adamın karârlarını tebdîl edemedi. Yüz- başıya göre biz ancak elli-altmış muhâcir alabilecek, hâlbuki bize verilen taʻlîmât mûcebince mevcûd altı yüz muhâcir irkâb edebilecek idik. Yunan zâbitinin bu ısrârına Yüzbaşı Lukas beyân-ı teessüf et- dikden sonra Beynelmilel Salîb-i Ahmer nâmına protesto etmek üzere söz alan Mösyö Gehri dedi ki: ‘-Mümessili bulunduğum Beynelmilel Salîb-i Ahmer, Harb-i Umûmî esnâsında Avrupa'nın birbirine düşman olan bir memleketinden diğer memleketine ve bî-taraf memleketlere milyonlarca ihtiyâr ve çocuk nakletdi. Hattâ her husûsda müstesnâ bir şiddet göstermiş olan Almanya'da bile bu derece mümânaʻat görmedim. Her hâlde bu tarz-ı hareket Yunan milletinin ve ordusunun şerefini art- dırmasa gerekdir. Ben, vazîfem iktizâsı olarak bütün teessüflerime rağmen ihdâs edilen bu müşkilâtı, mensûb olduğum beynelmilel cemʻiyet vâsıtasıyla Yunan Salîb-i Ahmeri nezdinde şiddetle protesto edeceğim gibi her iki dünyânın gazetelerinde dahi lâzım gelen neşriyâtı pek vâsiʻ bir sûretde yaya- cağım'. [16] Bu beyânât, Yunan zâbiti üzerinde biraz teʼsîr eder gibi oldu. Nihâyet bin müşkilât ile üç yüz otuz üç muhâcir kadar kurtara[bildik] ve birkaç ton eşyâ ve beş-on reʼs hayvân alabildik. Yalova, Samanlı ve Akköy muhtâcînine tevzîʻ olunmak üzere Yalova Kâimmakâm Vekâleti'ne beş yüz kıyye ekmek, iki sandık süt ve bir mikdâr ilâc bırakdım. Gece sâʻat dokuzda vapurumuz İstanbul'a müteveccihen hareket etdi. Köylülerden aldığımız maʻlûmâta göre isimleri aşağıda taʻdâd edilen köyler yanmışdır: Reşadiye Hâne adedi maʻlûm değildir. Gacık 100 hâne Nısfı yanmışdır. Dereköy 40 hâne Kâmilen yanmışdır. Sultaniye 40 hâne " Karakilise 40 hâne " Yortan 40 hâne " Kirazlı 60 hâne " Soğucak 80 hâne " Paşaköy 80-90 hâne " Kurtköy 100 hâne " Üvezpınar 50-60 hâne " Gökçedere 30-40 hâne " Ortaburun 40 hâne " Güllük 50-60 hâne " Çallıca 40-50 hâne " Şükrü Efendi'nin çiftliği Yalova civârında "