HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 1 27 esnâsında faʻâliyetden geri kalmamış olan hastahânesini, yeni esâslar üzerine teʼsîs ve bundan sonra daha açık kaldığı beş aylık bir müddet zarfında 2.000 hasta ve mecrûh tedâvî etdi. Rumeli-i Garbî'den çekilmiş olan Osmanlı ordusunun bir kısmı Arnavudluk'un Fier şehrine ilticâ etmiş idi. Hilâl-i Ahmer bu nokta-i askeriyede malzeme-i sıhhiye mevcûd olmadığını istihbâr ederek kendisi doğrudan doğruya yardım edemeyeceği için İtalya Salîb-i Ahmer Cemʻiyeti'ne mürâ- caʻat ederek masârıfı tesviye etmek şartıyla bu iş ile iştigâl etmesini ricâ eyledi. İtalya Salîb-i Ahmeri ricâ-yı vâkiʻi kabûl ve 500 hasta ve mecrûhu tedâvî etmişdir. Hilâl-i Ahmer, İtalya [22] Salîb-i Ahme- ri'ne bu hizmet için 1.000 Osmanlı altını teʼdiye etmişdir. Hilâl-i Ahmer Lüleburgaz, Pavliköy, Ispartakule, Ayastefanos ve Sirkeci istasyonlarında çayhâ- neler açarak buradan geçen mecrûhîn ve zuʻafâya çay, ekmek, kuvvet verici meşrûbât vesâire tevzîʻ eyledi. Edirne Muhâsarası esnâsında bu şehirde büyük bir sefâlet hüküm-fermâ olmuş idi. Şehirde malzeme-i sıhhiye yok idi. Hilâl-i Ahmer Bulgaristan Hükûmeti'ne mürâcaʻat ederek Edirne'ye im- dâd etmesine müsâʻade etmesini ricâ etdi. Bulgaristan'ın cevâb-ı reddi üzerine cemʻiyetimiz Alman Salîb-i Ahmeri'ne mürâcaʻat ederek masârıfı Hilâl-i Ahmer'e âid olmak üzere Edirne'ye bir heyʼet-i sıhhiye göndermesini taleb ve iltimâs etdi. Alman Salîb-i Ahmer Cemʻiyeti tarafından gönderilen heyʼet-i sıhhiye Sofya'ya kadar gelebilmiş ise de Bulgaristan Hükûmeti, Bulgar Salîb-i Ahmeri, reî- sesi olan Bulgaristan kraliçesine Almanya imparatoriçesi tarafından vukûʻ bulan mürâcaʻata rağmen heyʼetin Edirne'ye girmesine müsâʻade etmedi. Bu sûretle Edirne bîçârelerine muʻâvenet etmek im- kân-ı mâddî hâricinde kaldı. Şu kadar var ki, Mütâreke ahkâmına tevfîkan Bulgaristan, Dârülfünûn Hastahânesi Sertabîbi Doktor Derviş Bey vâsıtasıyla teslîm edilen ve sıkletçe ve hacimce muʻayyen olan malzeme-i sıhhiyenin Edirne'ye irsâlini derʻuhde ve teʼmîn etmişdir. (Mâbaʻdi var.) Geçen Ağustos'da Hilâl-İ Ahmer'e Verilen İʻânât Cedvelidir. Kuruş Fatma Latife Hanım 50 Azerbaycan Dâhiliye nâzır-ı sâbıkı olup şehîd düşen Behbud Hân nâmına refîkası ve birâderleri tarafından 6.000 Heybeliada İmâmı Hâfız Şevket Efendi kerîmesi Fatma Hanım'ın bayramlık kostüm bedeli 1.500 Prenses Terane-i Dil Hanımefendi hazretleri (Merhûm Mısırlı Halim Paşa haremi) 10.000 Şehremini'nde Salıpazarı'daki Osmanlı fırınına mevzûʻ kutu muhteviyâtı 583,75 Selim Bey 200 Şemseddin Osman Bey 110 Beynelmilel Salîb-i Ahmer Delegesi Mösyö Burnier tarafından Anadolu muhâcir çocukları için 30.000 Besime Hanımefendi 350 Dâülkelb Tedâvîhânesi'ne mevzûʻ kutu muhteviyâtı 2.040,25