HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 2 37 _______________ Yunanistan'daki Osmanlı Üserâsının Teʼmîn-i Muhâberesi Yunanistan'daki Osmanlı üserâsı tarafından âilelerine gönderilen mektûbların Rumca yazdı- rılmakda olduğu görülmekde ve bundan esîrlerimiz tarafından Türkçe mektûb yazılmasının menʻ edildiği anlaşılmakdadır. Hilâl-i Ahmer'in Ankara'daki murahhası, bu mühim mesʼele hakkında mer- kezimizin nazar-ı dikkatini celb ederek şâyed Teşrîn-i Evvel'in on beşine kadar Yunanistan'dan ge- lecek üserâ mektûblarının Türkçe yazılmış oldukları görülmez ise, Anadolu'daki Yunan üserâsının da mukâbele bi'l-misl olmak üzere Türkçe mektûb yazmağa icbâr edileceklerine Ankara Hükûmeti Müdâfaʻa-i Milliye Vekâletince karâr verildiğini bi'l-ihtiyâr keyfiyetin Yunanistan'ın Dersaadet Fev- kalâde Komiserliği'ne teblîğ edilmesini ricâ ediyor. Hilâl-i Ahmer Merkezi îcâb eden teşebbüsâtı icrâ ve muʻâmele-i lâzımeyi îfâ eyledi. _______________ Eskişehir Hilâl-i Ahmer Hastahânesi Hilâl-i Ahmer, Anadolu'nun bazı noktalarında olduğu gibi Eskişehir'de dahi yüz yataklık bir hastahâne teʼsîs etmiş idi. Eskişehir'in Yunanîler tarafından işgâli üzerine Yunan askerî kumandanı, Kuvâ-yı Milliye'den aldığı birkaç mecrûh esîr ile bir kısım Yunan mecrûhlarını Hilâl-i Ahmer Has- tahânesi'nde muvakkaten tedâvî etdirdi. Bilâhare Yunan kumandanı, Yunan mecrûhlarının çokluğuna binâen ayrıca hastahâneler açmağa mecbûr kaldığından Eskişehir Hilâl-i Ahmer Hastahânesi de kemâ fi's-sâbık müstakil bir sûretde idâme-i faʻâliyet etdi. Fakat bu hastahânenin muntazaman işlemesi için bir mikdâr paraya ihtiyâcı tebeyyün etmesine mebnî, hastahâne sertabîbi Dersaadet'deki Yunan Fev- kalâde Komiserliği maʻrifetiyle Hilâl-i Ahmer Merkezi'ne mürâcaʻat etmiş ve kendisine aynı vâsıta ile masârıf-ı vâkıʻasına medâr olmak üzere 17.500 drahmi gönderilmişdir. Binâenaleyh Eskişehir Hilâl-i Ahmer Hastahânesi el-yevm küşâde ve ibrâz-ı faʻâliyet eylemekdedir. _______________ Esîr Meʼmûrîn-i Sıhhiyemizin Avdeti Tabîb, eczâcı, hastabakıcı vesâir meʼmûrîn-i sıhhiyenin Lahey Konferansı mukarrerâtına tevfî- kan esîr-i harb addedilmedikleri ve bunlardan düşman eline geçeceklerin serbest bırakılmakda olduk- ları maʻlûmdur. İşte bu esâsa istinâden [27] Hilâl-i Ahmer Cemʻiyeti, Yunanistan'ın muhtelif yerlerin- de esîr olarak bulunan bu kabîl meʼmûrîn-i sıhhiyenin memleketlerine iʻâdesini taleb etmiş ve Yunan Salîb-i Ahmer Cemʻiyeti'nden vürûd eden cevâbda taleb-i vâkiʻin merciʻ-i âidince nazar-ı iʻtibâra alındığı ve Türk tabîb, eczâcı, hastabakıcı vesâir meʼmûrîn-i sıhhiyeden ibâret 73 esîrin serbest bıra- kılmak üzere olduğu bildirilmişdir. _______________